Monday, October 18, 2010

ರಸ್ತೆ ಅಫಘಾತ ಒಬ್ಬನ ದುರ್ಮರಣ:
ಟೆಂಪೋ ಟ್ರಾವಲರ್‌ ಮತ್ತು ಬೈಕ್‌ ನಡುವೆ ಅಪಘಾತ ಸಂಭವಿಸಿ ಒಬ್ಬ ಸಾವನ್ನಪ್ಪಿದ ಪ್ರಕರಣ ಭಾಗಮಂಡಲ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ. ದಿನಾಂಕ 17-10-2010 ರಂದು ಫಿರ್ಯಾಧಿ ಎಸ್‌.ಪಿ. ಯೋಗೇಶ್‌ ಸಿಂಡಗಳ್ಳಿ ಗ್ರಾಮ, ಹುಣಸೂರು ತಾಲೋಕು ಇವರು ತಮ್ಮ ಸ್ನೇಹಿತನೊಂದಿದೆ ತಲಕಾವೇರಿ ಜಾತ್ರೆಗೆ ಬೈಕ್‌ ಸಂ.ಸಿಟಿಕ್ಯು-6443ರಲ್ಲಿ ತೆರಳುತ್ತಿರುವ ಸಮಯ ಆರೋಪಿ ಯಶವಂತ ಕುಮಾರ್‌ ರವರು ತಮ್ಮ ಟೆಂಪೋ ಟ್ರಾವಲರ್‌ ಸಂ.ಕೆಎ-01-ಬಿ-5812 ನ್ನು ಅತೀ ವೇಗ ಹಾಗೂ ಅಜಾಗರೂಕತೆಯಿಂದ ಚಲಿಸಿ ಬೈಕ್‌ಗೆ ಡಿಕ್ಕಿಪಡಿಸಿದ ಪರಿಣಾಮ ಬೈಕ್‌ನಲ್ಲಿದ್ದ ಇಬ್ಬರಿಗೂ ಗಾಯಗಳಾಗಿ ಆಸ್ಪತ್ರೆಗೆ ಚಿಕೆತ್ಸೆಗೆ ದಾಖಲಿಸಿ ಚಿಕಿತ್ಸಾ ಸಮಯದಲ್ಲಿ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದು, ಈ ಸಂಬಂಧ ಭಾಗಮಂಡಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ರಸ್ತೆ ಅಪಘಾತ ಒಬ್ಬನಿಗೆ ಗಾಯ:
ದಿನಾಂಕ 17-10-2010 ರಂದು ಮಸಗೋಡು ಗ್ರಾಮದಲ್ಲಿ ಫಿರ್ಯಾಧಿ ಹೆಚ್‌.ಎನ್‌. ಮಧು, ಗೋಣಿಮರೂರು ಗ್ರಾಮ ಇವರು ಆರೋಪಿತ ರಾಜೇಂದ್ರ ಇವರ ಓಮಿನಿ ವಾಹನದಲ್ಲಿ ಗೋಣಿ ಮರೂರು ಗ್ರಾಮದಿಂದ ಸೋಮವಾರಪೇಟೆ ನಗರದ ಕಡೆಗೆ ಪ್ರಯಾಣಿಸುತ್ತಿದ್ದ ಸಮಯ ಚಾಲಕ ರಾಜೇಂದ್ರರವರು ವಾಹನವನ್ನು ಅತೀ ವೇಗ ಹಾಗೂ ಅಜಾಗರೂಕತೆಯಿಂದ ಚಲಿಸಿದ ಪರಿಣಾಮ ವಾಹನವು ರಸ್ತೆಬದಿಯಲ್ಲಿದ್ದ ಒಂದು ಮರಕ್ಕೆ ಡಿಕ್ಕಿಯಾದ ಕಾರಣ ಫಿರ್ಯಾಧಿಯವರಿಗೆ ಗಾಯಗಳಾಗಿದ್ದು, ಈ ಸಂಬಂಧ ಫಿರ್ಯಾಧಿಯವರು ನೀಡಿದ ದೂರಿನನ್ವಯ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಮುಂದಿ ಕ್ರಮ ಕೈಗೊಂಡಿರುತ್ತಾರೆ.
ಅಸ್ವಾಬಾವಿಕ ಸಾವು ಪ್ರಕರಣ:
ಆಕಸ್ಮಿಕವಾಗಿ ಬೆಂಕಿ ತಗುಲಿ ಸಾವನ್ನಪ್ಪಿದ ಪ್ರಕರಣ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ವರದಿಯಾಗಿದೆ. ದಿನಾಂಕ 14-10-2010 ರಂದು ಹೆರವನಾಡು ಗ್ರಾಮದ ಅಪ್ಪಂಗಳ ಕಾಲೋನಿಯಲ್ಲಿ ಪವಿತ್ರ ಎಂಬುವರು ಬಾತ್‌ರೂಂ ನಲ್ಲಿ ಒಲೆಗೆ ಬೆಂಕಿಹಚ್ಚುವ ಸಮಯದಲ್ಲಿ ಆಕಸ್ಮಿಕವಾಗಿ ಸೀಮೆಎಣ್ಣೆ ಮೈಗೆ ಚೆಲ್ಲಿ ಬೆಂಕಿ ಹೊತ್ತಿಕೊಂಡು ಸುಟ್ಟ ಗಾಯಗಳಾಗಿದ್ದು, ಚಿಕಿತ್ಸೆಗೆ ಮಡಿಕೇರಿಯ ಸರಕಾರಿ ಆಸ್ಪತ್ರೆಗೆ ದಾಖಲಿ, ನಂತರ ಮಂಗಳೂರಿನ ವೆನ್‌ಲಾಕ್‌ ಆಸ್ಪತ್ರೆಗೆ ಹೆಚ್ಚಿನ ಚಿಕಿತ್ಸೆಗೆ ದಾಖಲಿಸಿದ್ದು, ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 16-10-2010 ರಂದು ಆಕೆ ಮೃತಪಟ್ಟಿದ್ದು, ಈ ಸಂಬಂಧ ಮೃತಳ ತಾಯಿ ಶ್ರೀಮತಿ ಪೂರ್ಣಿಮ ಇವರು ನೀಡಿದ ದೂರಿನ ಮೇರೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣದ ದಾಖಲಿಸಲಾಗಿದೆ.
ಕಳವು ಪ್ರಕರಣ:
ದಿನಾಂಕ 17-10-2010 ರಂದು ಕೆ. ಬಾಡಗ ಗ್ರಾಮದಲ್ಲಿ ಫಿರ್ಯಾದಿ ಬಿ.ಜಿ. ಮುದ್ದಪ್ಪ ಎಂಬವರು ಬೆಳಗ್ಗೆ 11-00 ಗಂಟೆಗೆ ತಮ್ಮ ಮನೆಗೆ ಬೀಗ ಹಾಕಿ ಹೊರಗಡೆ ತೆರಳಿದ್ದು, ಸಾಯಂಕಾಲ 6-00 ಗಂಟೆಗೆ ಬಂದು ನೋಡಿದಾಗ ಯಾರೋ ಕಳ್ಳರು ಮನೆಯ ಹಿಂಬಾಗದ ಶೀಟನ್ನು ತೆಗೆದು ಒಳಗೆ ಪ್ರವೇಶಿಸಿ ಮಲಗುವ ಕೋಣೆಯ ಬಾಗಿಲನ್ನು ಮುರಿದು ಒಳಗೆ ಪ್ರವೇಶಿಸಿ ಬೀರುವಿನಲ್ಲಿಟ್ಟಿದ್ದ ಪೀಚೆಕತ್ತಿ, ಎರಡು ಕ್ಯಾಮರಾಗಳು, ಒಂದು ಬೆಳ್ಳಿಯ ಚೈನು, ಒಂದು ರಿಲಾಯನ್ಸ್‌ ಮೊಬೈಲ್‌ ಹಾಗೂ ಇತರೆ ಸಾಮಾಗ್ರಿ ಒಟ್ಟು ರೂ. 70,000-00 ಬೆಲೆಬಾಳುವ ವಸ್ತುಗಳನ್ನು ಕಳವು ಮಾಡಿಕೊಂಡು ಹೋಗಿರುವುದಾಗಿ ನೀಡಿದ ದೂರಿನನ್ವಯ ಕುಟ್ಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿತ್ತಾರೆ.