Wednesday, October 20, 2010

ಮನೆ ಬಾಗಿಲು ಮುರಿದು ಚಿನ್ನಾಭರಣ ಕಳವು
  • ಮನೆ ಬಾಗಿಲು ಮುರಿದು ರೂ.85,000/- ಮೌಲ್ಯದ ಚಿನ್ನಾಭರಣ ಕಳವು ಮಾಡಿದ ಘಟನೆ ಕುಶಾಲನಗರ ಪಟ್ಟಣದಲ್ಲಿ ನಡೆದಿದೆ. ಕುಶಾಲನಗರದ ರಾಧಾಕೃಷ್ಣ ಬಡಾವಣೆ ನಿವಾಸಿ ನಿಂಗರಾಜುರವರು ದಿನಾಂಕ 19/10/2010ರಂದು ಹಬ್ಬದ ಪ್ರಯುಕ್ತ ಹುಲುಸೆ ಗ್ರಾಮಕ್ಕೆ ಹೋಗಿದ್ದು, ಮನೆಯಲ್ಲಿ ಯಾರೂ ಇರದ ಸಮಯ ಮನೆಯ ಬೀಗ ಮುರಿದಿರುವ ಬಗ್ಗೆ ಪಕ್ಕದ ಮನೆಯ ಮೇರಿ ಎಂಬವರು ದೂರವಾಣಿ ಮೂಲಕ ತಿಳೀಸಿದ್ದು, ಈ ದಿನ ಬೆಳಿಗ್ಗೆ ಬಂದು ನೋಡಿದಾಗ ಯಾರೋ ಅಪರಿಚಿತ ಕಳ್ಳರು ಮನೆಯ ಬೀಗ ಮುರಿದು ಒಳಗೆ ಪ್ರವೇಶಿಸಿ ಮನೆಯಲ್ಲಿದ್ದ ಸುಮಾರು ರೂ.85,000/- ಮೊತ್ತದ ಚಿನ್ನಾಭರಣಗಳನ್ನು ಕಳವು ಮಾಡಿರುವ ಬಗ್ಗೆ ದೂರು ದಾಖಲಾಗಿದ್ದು, ಕುಶಾಲನಗರ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮನೆ ಮುರಿದು ರೂ.2 ಲಕ್ಷ ಮೌಲ್ಯದ ಚಿನ್ನಾಭರಣ ಕಳವು.

  • ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಮನೆ ಮುರಿದು ಪ್ರವೇಶಿಸಿದ ಕಳ್ಳರು ಸುಮಾರು ರೂ 2,15,000/- ಮೌಲ್ಯದ ಚಿನ್ನಾಭರಣ ಕಳವು ಮಾಡಿದ ಘಟನೆ ಕುಶಾಲನಗರ ಪಟ್ಟಣದ ಆಸ್ಪತ್ರೆ ವಸತಿ ಗೃಹದಲ್ಲಿ ನಡೆದಿದೆ. ಕುಶಾಲನಗರದ ಆಸ್ಪತ್ರೆ ವಸತಿಗೃಹದಲ್ಲಿ ವಾಸವಿರುವ ಕೊಳಂದೆ ಸ್ವಾಮಿ ಎಂಬವರು ನೆಂಟರ ಮದುವೆಗೆಂದು ಕೊಯಮತ್ತೂರಿಗೆ ಹೋಗಿದ್ದ ಸಮಯದಲ್ಲಿ ದಿನಾಂಕ 19/10/2010ರ ರಾತ್ರಿ ಮನೆಯ ಬೀಗ ಮುರಿದು ಒಳ ಪ್ರವೇಶಿಸಿದ ಕಳ್ಳರು ಸುಮಾರು ರೂ.2,15,000/- ಮೌಲ್ಯದ ಚಿನ್ನಾಭರಣಗಳನ್ನು ಕಳವು ಮಾಡಿರುವ ಬಗ್ಗೆ ಕುಶಾಲನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.
ವಾಹನ ಅಫಘಾತ, ವ್ಯಕ್ತಿಗೆ ಗಾಯ
  • ಅಜಾಗರೂಕತೆಯ ಚಾಲನೆಯಿಂದ ವಾಹನ ಚಾಲಿಸಿ ವ್ಯಕ್ತಿಯೋರ್ವರಿಗೆ ಡಿಕ್ಕಿಪಡಿಸಿದ ಘಟನೆ ನಾಪೋಕ್ಲು ಠಾಣಾ ವ್ಯಾಪ್ತಿಯ ಚೋನಕೆರೆ ಬಳಿ ನಡೆದಿದೆ. ದಿನಾಂಕ 19/10/2010ರಂದು ಸಂಜೆ ಎಮ್ಮೆಮಾಡು ಗ್ರಾಮದ ಪಿ.ಎ.ರಿಯಾಜ್ ಎಂಬವರು ತಮ್ಮ ಸ್ನೇಹಿತ ಶಾಕಿರ್ ಎಂಬವರೊಂದಿಗೆ ತಮ್ಮ ಮೋಟಾರು ಸೈಕಲ್ ನಲ್ಲಿ ಹೋಗುತ್ತಿದ್ದಾಗ ಚೋನಕೆರೆ ಬಳಿ ಓರ್ವ ಅಪರಿಚಿತ ಮೋಟಾರು ಸೈಕಲ್‌ ಸವಾರ ತನ್ನ ಮೋಟಾರು ಸೈಕಲ್‌ ಸಂ.ಕೆಎ-12-ಜೆ-5659ನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿ ರಿಯಾಜ್‌ರವರ ಮೋಟಾರು ಸೈಕಲ್‌ಗೆ ಡಿಕ್ಕಿಪಡಿಸಿದ ಪರಿಣಾಮ ರಿಯಾಜ್‌ ಮತ್ತು ಶಾಕಿರ್ ರವರಿಗೆ ಗಾಯಗಳಾದ ಬಗ್ಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.
ಸಾಕ್ಷ್ಯ ನುಡಿಯದಂತೆ ಬೆದರಿಸಿ ಹಲ್ಲೆ, ವ್ಯಕ್ತಿಗೆ ಗಾಯ
  • ಸಾಕ್ಷ್ಯ ನುಡಿಯದಂತೆ ಬೆದರಿಸಿ ವ್ಯಕ್ತಿಯೋರ್ವರ ಮೇಲೆ ಹಲ್ಲೆ ಮಾಡಿರುವ ಘಟನೆ ಮಡಿಕೇರಿ ನಗರದ ಕಾಲೇಜು ರಸ್ತೆಯಲ್ಲಿ ನಿನ್ನೆ ಸಂಜೆ ನಡೆದಿದೆ. ಮಡಿಕೇರಿ ನಗರದ ನಿವಾಸಿ ಆನಂದ ಎಂಬವರು ಪ್ರಕರಣವೊಂದರ ಸಾಕ್ಷಿದಾರರಾಗಿದ್ದು, ನ್ಯಾಯಾಲಯದಲ್ಲಿ ವಿಚಾರಣೆಯು ಮುಂದೂಡಿದ್ದರಿಂದ ಅವರ ಮೋಟಾರು ಸೈಕಲ್‌ನಲ್ಲಿ ಹೋಗುತ್ತಿದ್ದಾಗ ನಗರದ ಕಾಲೇಜು ರಸ್ತೆಯ ಕಾರ್ಪೋರೇಷನ್ ಬ್ಯಾಂಕಿನ ಬಳಿ ಆರೋಪಿಗಳಾದ ತುಳುನಾಡಂಡ ಮಹೇಶ, ಅರುಣ, ದಿನೇಶ, ಅಣ್ಣಿ, ದಿನೇಶ್, ಸನ್ನು, ಮುತ್ತಣ್ಣ ಮತ್ತು ಜಗನ್‌ರವರು ಆನಂದರವರನ್ನು ಅಡ್ಡಗಟ್ಟಿ ತಮ್ಮ ವಿರುದ್ದ ನ್ಯಾಯಾಲಯದಲ್ಲಿ ಸಾಕ್ಷಿ ನುಡಿಯದಂತೆ ಬೆದರಿಸಿ ಅವರ ಮೇಲೆ ಕತ್ತಿಯಿಂದ ಕಡಿದು ಹಲ್ಲೆ ಮಾಡಿದ್ದು, ಆನಂದರವರು ತೀವ್ರತರವಾದ ಗಾಯಗೊಂಡ ಬಗ್ಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.