Tuesday, October 26, 2010

ಅಪರಿಚಿತ ವ್ಯಕ್ತಿಯ ಶವ ಪತ್ತೆ.

  • ಅಪರಿಚಿತ ವ್ಯಕ್ತಿಯ ಶವವೊಂದು ಈ ದಿನ ಗೋಣಿಕೊಪ್ಪ ನಗರದಲ್ಲಿ ಪತ್ತೆಯಾಗಿದೆ. ಗೋಣಿಕೊಪ್ಪ ನಗರದ ಫೆಡರೇಷನ್ ಕಟ್ಟಡದ ವೆರಾಂಡದಲ್ಲಿ ಅಪರಿಚಿತಿ ವ್ಯಕ್ತಿಯೋರ್ವನು ಮೃತಪಟ್ಟಿರುವುದಾಗಿ ಫೆಡರೇಷನ್ ಉದ್ಯೋಗಿ ಹೆಚ್.ಬಿ.ಉತ್ತಪ್ಪ ಎಂಬವರು ನೀಡಿದ ದೂರಿನನ್ವಯ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ಪತಿಯಿಂದ ಪತ್ನಿಯ ಮೇಲೆ ಹಲ್ಲೆ

  • ವಿನಾ ಕಾರಣ ಮಹಿಳೆಯೋರ್ವರ ಮೇಲೆ ಹಲ್ಲೆ ನಡೆಸಿ ಗಾಯಗೊಳಿಸಿರುವ ಘಟನೆ ನಾಪೋಕ್ಲು ಠಾಣಾ ವ್ಯಾಪ್ತಿಯ ಬಲ್ಲಮಾವಟಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 25/10/2010 ರಂದು ಬಲ್ಲಮಾವಟಿ ಗ್ರಾಮದ ನಿವಾಸಿ ಕುಮಾರ ಎಂಬಾತನು ವಿನಾ ಕಾರಣ ತನ್ನ ಪತ್ನಿ ಪ್ರೇಮಾ ಎಂಬಾಕೆಯೊಡನೆ ಜಗಳವಾಡಿ ದೊಣ್ಣೆಯಿಂದ ಹಲ್ಲೆ ನಡೆಸಿ ಗಾಯಗೊಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ವಾಹನ ಅಫಘಾತ, ಗಾಯ

  • ಅಜಾಗರೂಕತೆಯ ವಾಹನ ಚಾಲನೆಯಿಂದ ವಾಹನ ಅಫಘಾತಕ್ಕೊಳಗಾದ ಘಟನೆ ಪೊನ್ನಂಪೇಟೆ ಠಾಣಾ ವ್ಯಾಪ್ತಿಯ ತಿತಿಮತಿ ಗ್ರಾಮದ ಮತ್ತಿಗೋಡುವಿನಲ್ಲಿ ನಡೆದಿದೆ. ದಿನಾಂಕ 25/10/2010ರಂದು ಬೆಂಗಳೂರು ನಿವಾಸಿ ದಿಲೀಪ್‌ಕುಮಾರ್‌ ಎಂಬವರು ತಮ್ಮ ಮಾಲೀಕರಾದ ಸರೋಜ ಮತ್ತು ಕುಟುಂಬದವರೊಂದಿಗೆ ಕೆಎ-02-ಎಂಬಿ-3179ರ ಕಾರಿನಲ್ಲಿ ಪೊನ್ನಂಪೇಟೆಯಲ್ಲಿ ಮದುವೆ ಸಮಾರಂಭಕ್ಕೆ ಬರುತ್ತಿರುವಾಗ ಮತ್ತಿಗೋಡು ಬಳಿ ಹಿಂದಿನಿಂದ ಓರ್ವ ಮಾರುತಿ ವ್ಯಾನು ಚಾಲಕನು ತನ್ನ ಮಾರುತಿ ವ್ಯಾನು ಸಂ.ಕೆಎ-12-ಎನ್-7050ನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಮದ ಚಾಲಿಸಿ ಮುಂದೆ ಹೋಗುತ್ತಿದ್ದ ದಿಲೀಪ್‌ ಕುಮಾರ್‌ರವರ ಕಾರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ದಿಲೀಪ್ ಕುಮಾರ್, ಸರೋಜ, ಅಕ್ಷಯ್, ಕಾರ್ಯಪ್ಪನವರಿಗೆ ಗಾಯಗಳಾಗಿದ್ದು, ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹುಡುಗಿ ಕಾಣೆ, ಪ್ರಕರಣ ದಾಖಲು

  • ಶೌಚಕ್ಕೆಂದು ತೆರಳಿದ ಹುಡುಗಿಯೋರ್ವಳು ಮನೆಯಿಂದ ನಾಪತ್ತೆಯಾದ ಪ್ರಕರಣ ಭಾಗಮಂಡಲ ಠಾಣಾ ವ್ಯಾಪ್ತಿಯ ಚೇರಂಗಾಲ ಗ್ರಾಮದಲ್ಲಿ ದಿ.24/10/2010ರಂದು ವರದಿಯಾಗಿದೆ. ಭಾಗಮಂಡಲದ ಚೇರಂಗಾಲ ಗ್ರಾಮದ ಪರಿವಾರ ಜಯಂತಿ ಎಂಬವರ ಮಗಳು 18 ವರ್ಷ ಪ್ರಾಯದ ಲಿಪಿಕಾ ಎಂಬಾಕೆಯು ದಿನಾಂಕ 24/10/2010ರ ರಾತ್ರಿ 9:30 ಗಂಟೆಯ ವೇಳೆಗೆ ಶೌಚಾಲಯಕ್ಕೆಂದು ಮನೆಯಿಂದ ಹೋದವಳು ಮರಳಿ ಬಾರದಿದ್ದು, ನೆರೆಹೊರೆಯವರಲ್ಲಿ ವಿಚಾರಿಸಿ ಪತ್ತೆಯಾಗದ ಕಾರಣ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.