Wednesday, November 18, 2015

ಕರ್ತವ್ಯಕ್ಕೆ ಅಡ್ಡಿ, ಹಲ್ಲೆ, ಕೊಲೆ ಬೆದರಿಕೆ:
    ಪಿರ್ಯಾದಿ ಶ್ರೀ ವೆಂಕಟೇಶ್ ರವರು ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಕರ್ತವ್ಯ ನಿರ್ವಹಿಸಿಕೊಂಡಿದ್ದು, ದಿನಾಂಕ 10-11-2015 ರಂದು ಟಿಪ್ಪು ಸುಲ್ತಾನ್ ಜಯಂತಿ ಸಂಬಂಧ ಬಂದೋ ಬಸ್ತ್ ಕರ್ತವ್ಯದಲ್ಲಿದ್ದು, ಸಮಯ 11.10 ಗಂಟೆಗೆ ಎಂ ಎಂ ವೃತ್ತದಲ್ಲಿ ವಾಹನ ಸಂಚಾರ ಮತ್ತು ಮೆರವಣಿಗೆಯನ್ನು ಮುಂದಕ್ಕೆ ಕಳುಹಿಸುತ್ತಿದ್ದ ಸಮಯದಲ್ಲಿ ಆರೋಪಿಗಳು ಅಕ್ರಮ ಕೂಟ ಸೇರಿಕೊಂಡು ಪಿರ್ಯಾದಿಯವರ ಕರ್ತವ್ಯಕ್ಕೆ ಅಡ್ಡಿಪಡಿಸಿ, ಪಿರ್ಯಾದಿಯವರ ಸಮವಸ್ತ್ರವನ್ನು ಎಳೆದಾಡಿ, ಗುಂಡಿಯನ್ನು ಕಿತ್ತು, ಅವರನ್ನು ತಳ್ಳಾಡಿ, ಶರೀರಕ್ಕೆ ಹೊಡೆದು, ಗುಂಪಿನಲ್ಲಿದ್ದರು, ‘ಪೊಲೀಸರನ್ನು ಬಿಡಬೇಡಿ ಹೊಡೆದು ಕೊಲ್ಲಿ’ ಎಂದು ಹೇಳುತ್ತಾ ಕೊಲೆ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.  

Vartika Katiyar, IPS

Tuesday, November 17, 2015



ಕಾರಿಗೆ ಕಲ್ಲು ತೂರಿ ಹಾನಿ: 

     ಪಿರ್ಯಾದಿ ಅಬ್ದುಲ್ ರಹಿಮಾನ್ ರವರು ದಿ: 10-11-2015 ರಂದು ಸಮಯ 10.30 ಗಂಟೆಗೆ ಕಾವೇರಿ ಕಲಾ ಕ್ಷೇತ್ರದಲ್ಲಿ ನಡೆಯುವ ಟಿಪ್ಪು ಜಯಂತಿ ಆಚರಣೆಯ ಬಗ್ಗೆ, ನಗರದ ಜಿ ಟಿ ವೃತ್ತದ ಬಳಿಗೆ ತನ್ನ ಬಾಪ್ತು ಕೆಎ-12-ಪಿ-7806 ರ ಕಾರಿನಲ್ಲಿ ಬಂದಾಗ ಆರೋಪಿಗಳಾದ ತಿರುಪತಿ, ಕೃಷ್ಣ, ಗೋಪಾಲ, ತಿರುಮಲ, ಪ್ರವೀಣ್ ಕುಮಾರ್, ಅಜಿತ್ ಕುಮಾರ್, ಕಿರಣ್ ರವರುಗಳು ಕಾರನ್ನು ಮುಂದಕ್ಕೆ ಹೋಗಲು ಬಿಡುವುದಿಲ್ಲಎಂದು ಹೇಳಿ ಕೊಲೆ ಬೆದರಿಕೆ ಹಾಕಿ, ಕಾರಿನ ಗಾಜಿಗೆ ಕಲ್ಲು ಹೊಡೆದು, ಕಾರಿನ ಹಿಂಭಾಗಕ್ಕು ಜಖಂಗೊಳಿಸಿ ಸುಮಾರು 75000/- ರೂ ನಷ್ಟ ಉಂಟು ಮಾಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

 ಹಳೇ ದ್ವೇಷ, ವ್ಯಕ್ತಿ ಮೇಲೆ ಹಲ್ಲೆ:

    ಪಿರ್ಯಾದಿ ತಾಹಿರ್ ರವರು ದಿ: 15-11-2015 ರಂದು ಸಮಯ ರಾತ್ರಿ 09.00 ಗಂಟೆಗೆ ಮಡಿಕೇರಿ ನಗರದ ಮಾರ್ಕೇಟ್ ಬಳಿ ಇರುವಾಗ್ಗೆ ಆರೋಪಿಗಳಾದ ಆಸಿಫ್, ಉನ್ನೀಸ್, ಕಲಂದರ್ ಮತ್ತು ಇಬ್ಬರು ಮಾತನಾಡಬೇಕು ಎಂದು ಹೇಳಿ ದಾಸವಾಳದ ಬಳಿ ಕರೆದುಕೊಂಡು ಹೋಗಿ, ಈ ಹಿಂದೆ ಆಗಿದ್ದ ಜಗಳದ ವೈಮನಸ್ಸಿನಿಂದ ಪಿರ್ಯಾದಿಯವರೊಂದಿಗೆ ಜಗಳ ಮಾಡಿ, ಕೈಯಿಂದ ಹೊಡೆದು ಕತ್ತಿಯನ್ನು ಬೆನ್ನಿಗೆ ಬೀಸಿ ಗಾಯಪಡಿಸಿರುತ್ತಾರೆ ಎಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.