Thursday, November 12, 2015

ಟಿಪ್ಪು ಜನ್ಮ ದಿನಾಚರಣೆ ವೇಳೆ ನಡೆದ ಗಲಭೆಯಲ್ಲಿ ಗಾಯಗೊಂಡ ವ್ಯಕ್ತಿಯ ಸಾವು:
     ದಿನಾಂಕ: 10-11-2015 ರಂದು ಮಡಿಕೇರಿ ಕಲಾಕ್ಷೇತ್ರದಲ್ಲಿ ನಡೆಯುವ ಟಿಪ್ಪು ಜನ್ಮ ದಿನಾಚರಣೆಯಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಸೋಮವಾರಪೇಟೆ ತಾಲೂಕು, ನೆಲ್ಲಿಹುದಿಕೇರಿ ಗ್ರಾಮದ ನಿವಾಸಿ ಜಂಫೀರ್ ಎಂಬವರು ಅವರ ಮಾನವ ಮಗ ಸಾಹುಲ್ ಹಮೀದ್ ಹಾಗೂ ಅಕ್ಕ-ಪಕ್ಕದವರಾದ ಮುಸ್ತಾಫ, ಅಸ್ಕರ್, ಬಷೀರ್ ಹುಸೇನ್ ಮತ್ತು ಇತರರು ಲಾರಿಯಲ್ಲಿ ಮಡಿಕೇರಿಗೆ ಬಂದು ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ನಂತರ ವಾಪಾಸ್ಸು ಸಿದ್ದಾಪುರಕ್ಕೆ ಅದೇ ಲಾರಿಯಲ್ಲಿ ಹತ್ತಿಕೊಂಡು ಹೋಗುತ್ತಿರುವ ಸಮಯ ಅಂದಾಜು 12-30 ಪಿ.ಎಂ.ಗೆ ನೀರುಕೊಲ್ಲಿ ಎಂಬಲ್ಲಿ ತಲುಪುವಾಗ್ಗೆ ರಸ್ತೆಯ ಬಲಬದಿಯ ಬೆಟ್ಟದ ಜಾಗದಿಂದ ಸುಮಾರು 10-15 ಜನರು ಗುಂಪುಸೇರಿ ಗುಂಪಿನಲ್ಲಿನ ಒಬ್ಬನು ಕೈಯ್ಯಲ್ಲಿ ಕೋವಿ ಹಿಡಿದುಕೊಂಡು ಲಾರಿ ಮೇಲೆ ತೆರಳುತ್ತಿದ್ದ ಫಿರ್ಯಾದಿ ಜಂಫೀರ್ ಹಾಗು ಇತರರ ಕಡೆಗೆ ಗುಂಡು ಹಾರಿಸಿದ್ದು, ಸದರಿ ಗುಂಡು ಸಾಹುಲ್ ಹಮೀದ್‍ನ ಹಣೆಯ ಭಾಗಕ್ಕೆ ತಾಗಿ ಗಾಯವಾಗಿ ಆತನನ್ನು ಚಿಕಿತ್ಸೆಗೆ ಮೈಸೂರಿನ ಅಪೊಲೋ ಆಸ್ಪತ್ರೆಗೆ ದಾಖಲಿಸಲಾಗಿ ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 11-11-2015 ರಂದು 7-00 ಪಿಎಂಗೆ ಮೃತಪಟ್ಟಿದ್ದು, ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಂಠಕಾರ್ಯಪ್ಪ, ಅಪ್ಪುಟ್ಟ ಹಾಗೂ ಪೊನ್ನತ್‍ಮೊಟ್ಟೆ ರವಿ ಮತ್ತು ಇತರರ ವಿರುದ್ಧ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಗಲಭೆಕೋರರಿಂದ ಅಂಗಡಿ ಮೇಲೆ ಕಲ್ಲು ತೂರಿ ಹಾನಿ:
     ದಿನಾಂಕ 10-11-2015 ರಂದು ಸಮಯ 12.00 ಗಂಟೆಗೆ ಟಿಪ್ಪು ಜಯಂತಿ ಆಚರಣೆಯ ಸಮಯದಲ್ಲಿ , ಟಿಪ್ಪು ಜಯಂತಿ ಆಚರಿಸಲು ಬಂದಿದ್ದ ಟಿಪ್ಪು ಅಭಿಮಾನಿ ವೇದಿಕೆಯ ಗಲಭೆಕೋರರು ಅಕ್ರಮ ಕೂಟ ಕಟ್ಟಿಕೊಂಡು ಜಿ ಟಿ ರಸ್ತೆಯಲ್ಲಿರುವ ಪಿರ್ಯಾದಿ ಶ್ರೀ ಪದ್ಮನಾಭರವರ ಬಾಪ್ತು ಪದ್ಮನಾಭ ಸ್ಟೋರ್ಸ್ ನ ಸುಮಾರು 75,000/- ಬೆಲೆಯ ಕಿಟಕಿಯ ಗಾಜುಗಳನ್ನು ಉದ್ದೇಶಪೂರ್ವಕವಾಗಿ ಕಲ್ಲು ಹೊಡೆದು ನಷ್ಟಪಡಿಸಿರುವುದಾಗಿ ಅಂಗಡಿ ಮಾಲಿಕರಾದ ಪದ್ಮನಾಭರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.


ಟಿಪ್ಪು ಜಯಂತಿ ವೇಳೆ ಕಾರಿಗೆ ಹಾನಿಪಡಿಸಿ ನಷ್ಟ:

      ಮಡಿಕೇರಿ ನಗರದ ಜಿಲ್ಲಾ ಆಸ್ಪತ್ರೆ ಬಳಿಯ ನಿವಾಸಿ ವಿ.ಬಿ. ರವಿಯವರು ತಮ್ಮ ಬಾಪ್ತು ಕೆ.ಎ 19 ಪಿ. 6051 ಸಂಖ್ಯೆಯ ಸಿಲ್ವರ್‌ ಬಣ್ಣದ ಇಂಡಿಕಾ ಕಾರನ್ನು ದಿನಾಂಕ 10-11-2015 ರಂದು ಅವರ ಮನೆಯ ಮುಂದೆ ಸಾರ್ವಜನಿಕ ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದು, ಸುದರ್ಶನ ವೃತ್ತದ ಕಡೆಯಿಂದ ಲಾರಿಯಲ್ಲಿ ಟಿಪ್ಪು ಜನ್ಮ ದಿನಾಚರಣೆಯ ಸಂಬಂಧ ಜನರು ಬಂದಿದ್ದು, ಟಿಪ್ಪು ಸುಲ್ತಾನನಿಗೆ ಜೈ ಎಂದು ಘೋಷಣೆ ಕೂಗುತ್ತ ಬಂದು ಲಾರಿಯನ್ನು ಆರ್.ಟಿ.ಒ ಕಛೇರಿಯ ಗೇಟಿನ ಬಳಿ ನಿಲ್ಲಿಸಿ ಲಾರಿಯೊಳಗಿಂದ ಕಲ್ಲುಗಳನ್ನು ತೆಗೆದುಕೊಂಡು ಅಕ್ರಮ ಕೂಟ ಸೇರಿ ಪಿರ್ಯಾದಿಯವರ ಕಾರನ್ನು ಗುರುತಿಸಿ ಕಲ್ಲು ಹೊಡೆದು ಕಾರನ್ನು ಜಖಂ ಪಡಿಸಿ ಸುಮಾರು 20,000=00 ರೂ ನಷ್ಟು ಪಡಿಸಿರುತ್ತಾರೆಂದು ದಿನಾಂಕ 12-11-2015 ರಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ
.