Friday, November 20, 2015

ಸ್ಕೂಟಿಗೆ ಜೀಪ್ ಡಿಕ್ಕಿ, ಇಬ್ಬರಿಗೆ ಗಾಯ:

     ಕುಶಾಲನಗರದ ಕೂಡುಮಂಗಳೂರು ಗ್ರಾಮದ ನಿವಾಸಿ ಸಂಪತ್ ಕುಮಾರ್ ಎಂಬವರು ದಿನಾಂಕ 17-11-2015ರಂದು ತಮ್ಮ ಸ್ಕೂಟಿ ನಂ ಕೆ ಎ 12 ಕೆ 4387ರಲ್ಲಿ ರತನ್ ಎಂಬವರನ್ನು ಹಿಂಬದಿಯಲ್ಲಿ ಕೂರಿಸಿಕೊಂಡು ಸಮಯ 06:30ಗಂಟೆಗೆ ಕುಶಾಲನಗರ ಎಸ್ ಎಲ್ ಎನ್ ಪೆಟ್ರೋಲ್ ಬಂಕ್ ಹತ್ತಿರ ತಲುಪುವಾಗ್ಗೆ ಹಿಂಬಾಗದಿಂದ ಅಂದರೆ ಮಡಿಕೇರಿ ರಸ್ತೆಯ ಕಡೆಯಿಂದ ಬಂದಂತಹ ಬೋಲೋರೋ ಇನ್ ವೇಡರ್ ಜೀಪನ್ನು ಅದರ ಚಾಲಕನು ಅತಿವೇಗ ಹಾಗು ಅಜಾಗರುಕತೆಯಿಂದ ಚಾಲಿಸಿಕೊಂಡು ಬಂದು ಸ್ಕೂಟಿಯ ಹಿಂಬಾಗಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಸಂಪತ್ ಕುಮಾರ್ ಮತ್ತು ರತನ್ ರವರು ಗಾಯಗೊಂಡಿದ್ದು, ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿನಾಕಾರಣ ವ್ಯಕ್ತಿ ಮೇಲೆ ಹಲ್ಲೆ:

     ಗೋಣಿಕೊಪ್ಪ ನಗರದ ಈರಣ್ಣ ಕಾಲೋನಿ ನಿವಾಸಿ ಆಟೋ ಚಾಲಕ ಸಂಜು ಕುಮಾರ್ ಎಂಬವರು ದಿನಾಂಕ 01/11/2015 ರಂದು ಆಟೋ ಚಾಲಕರ ಸಂಘದ ವತಿಯಿಂದ ರಸಮಂಜರಿ ಕಾರ್ಯಕ್ರಮವನ್ನು ಗೋಣಿಕೊಪ್ಪದಲ್ಲಿ ಏರ್ಪಡಿಸಿದ್ದು ರಾತ್ರಿ 10-30 ಗಂಟೆಗೆ ಪಿರ್ಯಾದಿ ಹಾಗೂ ಅವರ ಅಣ್ಣ ಮಹದೇವನ ಜೊತೆ ಗೋಣಿಕೊಪ್ಪ ನಗರದ ಕೊಲಂಬಿಯ ಬಾರ್ & ರೆಸ್ಟೋರೆಂಟ್ ಗೆ ಮದ್ಯ ಸೇವನೆ ಮಾಡಲು ಹೋಗಿದ್ದು ರೆಸ್ಟೋರೆಂಟ್ ನ ಬಾಗಿಲ ಬಳಿ ನಿಂತು ಮದ್ಯ ಸೇವಿಸುತ್ತಿದ್ದ ಗೋಣಿಕೊಪ್ಪ ನಗರದ ಸತೀಶ, ರಾಮು, ಅಯ್ಯಪ್ಪ ರವರು ಅಲ್ಲಿಗೆ ಬಂದು ಅವಾಚ್ಯ ಶಬ್ದಗಳಿಂದ ಬೈದು ವಿನಾಃ ಕಾರಣ ಜಗಳ ತೆಗೆದು ಮೂವರು ಸೇರಿ ಕೈಯಿಂದ ಹೊಡೆದು ಗಾಯಪಡಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂದಿರುತ್ತಾರೆ. 

ಆಕಸ್ಮಿಕ ಕಾಲು ಜಾರಿ ಹಳ್ಳಕ್ಕೆ ಬಿದ್ದು ವ್ಯಕ್ತಿಯ ಸಾವು:

     ವಿರಾಜಪೇಟೆ ತಾಲೋಕು, ಕಾರ್ಮಾಡು ಗ್ರಾಮದ ನಿವಾಸಿ ಶ್ರೀಮತಿ ಜಯಲಕ್ಷ್ಮಿ ರವರ ಪತಿ ವೆಂಕಟೇಶ (ನಾಗ) ರವರು ಅನಾರೋಗ್ಯದಿಂದ ಬಳಲುತ್ತಿದ್ದು ಮೂರ್ನಾಡಿನಲ್ಲಿ ಪಿರ್ಯಾದಿಯವರ ತಾಯಿಯ ಮನೆಯಿಂದ ದಿನಾಂಕ 19.11.2015 ರಂದು ರಾತ್ರಿ ಸುಮಾರು 10:30 ಗಂಟೆಗೆ ವೆಂಕಟೇಶ (ನಾಗ) ರವರು ಮಧ್ಯಪಾನ ಮಾಡುವ ಸಲುವಾಗಿ ಹೊರಗೆ ಹೋದವರು ಮೂರ್ನಾಡು ಗ್ರಾಮದ ಮಡಿಕೇರಿ ರಸ್ತೆಯಲ್ಲಿರುವ ಪೆಟ್ರೋಲ್‌ ಬಂಕ್ ಹತ್ತಿರದ ಪಾಪು ಎಂಬವರ ಮನೆಯ ಬಳಿಸುಮಾರು 15 ಅಡಿ ಎತ್ತರದ ಬರೆಯಿಂದ ಆಕಸ್ಮಿಕವಾಗಿ ಕಾಲು ಜಾರಿ ಚರಂಡಿಗೆ ಬಿದ್ದು ವೆಂಕಟೇಶ ರವರು ಮೃತಪಟ್ಟಿದ್ದು, ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಜೀವನದಲ್ಲಿ ಜಿಗುಪ್ಸೆ ವ್ಯಕ್ತಿಯ ಆತ್ಮಹತ್ಯೆ:

     ಕುಶಾಲನಗರ ಠಾಣಾ ವ್ಯಾಪ್ತಿಯ ನಂಜರಾಜಪಟ್ಟಣ ಗ್ರಾಮದ ನಿವಾಸಿ 35 ವರ್ಷ ಪ್ರಾಯದ ಬ್ರಜೇಶ ಎಂಬ ವ್ಯಕ್ತಿ ದಿನಾಂಕ 19-11-2015ರಂದು ಅವರ ಮನೆಯಲ್ಲಿ ನೈಲಾನ್ ವೈರ್ ನಿಂದ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗದೆ. 

ಮನೆಗೆ ನುಗ್ಗಿ ಕಳ್ಳತನಕ್ಕೆ ಯತ್ನ, ಪ್ರಕರಣ ದಾಖಲು:

     ವಿರಾಜಪೇಟೆ ತಾಲೂಕು ಕಡಂಗಮರೂರು ಗ್ರಾಮದ ಕರವಟ್ಟೀರ ಕುಟುಂಬದ ಐನ್ ಮನೆಯ ಬೀಗವನ್ನು ಯಾರೋ ಕಳ್ಳರು ದಿನಾಂಕ 18-11-2015 ರ ರಾತ್ರಿ ಮುರಿದು ಒಳಗೆ ನುಗ್ಗಿ ಒಳಗಿನ ಕೋಣೆಗೆ ಹಾಕಿದಂತಹ ಬೀಗವನ್ನು ಮುರಿಯಲು ಪ್ರಯತ್ನಿಸಿರುವುದಲ್ಲದೆ, ಹಾಲ್ ನಿಂದ ಅಡುಗೆ ಮನೆಗೆ ನುಗ್ಗುವ ಬಾಗಿಲಿಗೆ ಹಾಕಿದಂತಹ ಬೀಗವನ್ನು ಸಹ ಮುರಿದು ಕಳ್ಳತನ ಮಾಡಲು ಯತ್ನಿಸಿದ್ದು ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದೆ.