Monday, November 2, 2015

ಹೆಚ್ಚಿನ ಬಡ್ಡಿಗೆ ಸಾಲ, ವ್ಯಕ್ತಿ ವಿರುದ್ಧ ಪ್ರಕರಣ:

     ಪಡೆದ ಸಾಲವನ್ನು ಹಿಂತಿರುಗಿಸಿದ್ದರೂ ಸಹ ಹೆಚ್ಚಿನ ಬಡ್ಡಿ ನೀಡುವಂತೆ ಸಾಲಗಾರರಿಗೆ ತೊಂದರೆ ನೀಡುತ್ತಿರುವ ಘಟನೆ ಶನಿವಾರಸಂತೆ ನಗರದಲ್ಲಿ ನಡೆದಿದೆ. ಶನಿವಾರಸಂತೆ ಠಾಣಾ ವ್ಯಾಪ್ತಿಯ ಶನಿವಾರಸಂತೆ ನಗರದ ನಿವಾಸಿ ಗಣೇಶ ಎಂಬವರಿಂದ ಹಾಸನ ಜಿಲ್ಲೆಯ ಸಕಲೇಶಪುರ ತಾಲೂಕು ಈಚಲಬೀಡು ಗ್ರಾಮದ ನಿವಾಸಿ ಹರೀಶ ಎಂಬವರು 2013 ರಲ್ಲಿ 20,000 ರೂಗಳನ್ನು ಪಡೆದುಕೊಂಡು ಭದ್ರತೆಗಾಗಿ ಹರೀಶರವರಿಂದ ವಾಹನದ ದಾಖಲಾತಿಗಳನ್ನು ಇಟ್ಟುಕೊಂಡಿದ್ದು, ಸಾಲವನ್ನು ಬಡ್ಡಿಸಮೇತ ಮರುಪಾವತಿ ಮಾಡಿದ್ದರೂ ಸಹ ಗಣೇಶರವರು ಭದ್ರತೆಗಾಗಿ ಇಟ್ಟಿದ್ದ ವಾಹನದ ದಾಖಲಾತಿಗಳನ್ನು ವಾಪಾಸು ನೀಡದೇ ಪುನಃ ಅಸಲು ಮತ್ತು ಬಡ್ಡಿ ನೀಡುವಂತೆ ಕಿರುಕುಳ ನೀಡುತ್ತಿರುವುದಾಗಿ ಫಿರ್ಯಾದಿ ಹರೀಶರವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿದ್ದಾರೆ. 


ಕಾಣೆಯಾದ ಹುಡುಗಿ ಪತ್ತೆ, ಅಪಹರಣ ಪ್ರಕರಣ ದಾಖಲು:

     ಕುಶಾಲನಗದ, ಗುಮ್ಮನಕೊಲ್ಲಿ ಗ್ರಾಮದ ನಿವಾಸಿ ಕೆ.ಪಿ. ನಂದಕುಮಾರ್ ಎಂಬವರ ಮಗಳು 15 ವರ್ಷ ಪ್ರಾಯದ ರಮ್ಯ ಎಂಬಾಕೆಯು ಮೈಸೂರಿನ ಗೋಪಾಲಸ್ವಾಮಿ ಪಿ ಯು ಕಾಲೇಜಿನಲ್ಲಿ ಪ್ರಥಮ ಪಿ ಯು ಸಿ ವಿದ್ಯಾಭ್ಯಾಸ ಮಾಡುತ್ತಿದ್ದು, ಈಕೆ ದಿನಾಂಕ 5-10-2015 ರಂದು ಕಾಣೆಯಾಗಿದ್ದು, ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಸದರಿ ಕಾಣೆಯಾದ ರಮ್ಯಳನ್ನು ಆರೋಪಿ ವಿನಯ್ ಎಂಬಾತನು ಕಾಲೇಜಿನಿಂದ ದಿನಾಂಕ 5-10-2015 ರಂದು ಅಪಹರಿಸಿಕೊಂಡು ಹೋಗಿ ಚಿಕ್ಕಮಂಗಳುರಿನ ಮೂಡಿಗೆರೆಯಲ್ಲಿರುವ ತನ್ನ ಮನೆಯಲ್ಲಿ ಒಂದು ವಾರ ಇಟ್ಟುಕೊಂಡು ತದ ನಂತರ ಬೇಲೂರಿನಲ್ಲಿರುವ ತನ್ನ ಅಕ್ಕ ವಾಣಿಯವರ ಮನೆಯಲ್ಲಿ ಬಲತ್ಕಾರವಾಗಿ ಇಟ್ಟುಕೊಂಡಿರುವುದು ಪತ್ತೆಯಾಗಿದ್ದು, ಕುಶಾಲನಗರ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದೆ.