Wednesday, November 4, 2015

ಮಹಿಳೆಗೆ ವರದಕ್ಷಿಣೆ ಕಿರುಕುಳ
                  ಮಹಿಳೆಯೊಬ್ಬರಿಗೆ ವರದಕ್ಷಿಣೆ ತರುವಂತೆ ಕಿರುಕುಳ ನೀಡುತ್ತಿರುವ ಪ್ರಕರಣ ನಾಪೋಕ್ಲು ಸಮೀಪದ ಪೇರೂರು ಗ್ರಾಮದಲ್ಲಿ ನಡೆದಿದೆ. ಕೆ.ಎಸ್ ಚೈತ್ರ ಎಂಬವರು 2006 ರಲ್ಲಿ ಪೇರೂರು ಗ್ರಾಮದ ವಾಸಿ ಕೆ.ಜೆ ಸನ್ನಿರವರನ್ನು ಮದುವೆಯಾಗಿದ್ದು ಒಂದು ಗಂಡು ಮಗು ಇದ್ದು, ಮದುವೆ ಆದಾಗಿನಿಂದಲೂ  ಅವರ ಪತಿ ಸನ್ನಿರವರು ಹೊಡೆಯುವುದು ಹಾಗೂ ಮಾನಸಿಕ ಹಿಂಸೆಯನ್ನು ನೀಡುತ್ತಿದ್ದುದಲ್ಲದೇ, ವರದಕ್ಷಿಣೆ ತರುವಂತೆ ಕಿರುಕುಳ ನೀಡುತ್ತಿದ್ದು, ಇದಕ್ಕೆ ಅತ್ತೆ, ಮಾವನವರೂ ಕುಮ್ಮಕ್ಕು ನೀಡುತ್ತಿದ್ದು, ಪತಿ ಸನ್ನಿರವರು ಕೋವಿಯಿಂದ ಗುಂಡು ಹೊಡೆದು ಕೊಲ್ಲದೇ ಬಿಡುವುದಿಲ್ಲವೆಂದು ಕೊಲೆ ಬೆದರಿಕೆ ಹಾಖಿರುವುದಾಗಿ ನೀಡಿದ  ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಬಡ್ಡಿ ವ್ಯಾಪಾರ
                ಅಕ್ರಮವಾಗಿ ಅಧಿಕ ಬಡ್ಡಿಗೆ ಹಣವನ್ನು ಸಾಲ ನೀಡಿರುವ ಪ್ರಕರಣ ಶನಿವಾರಸಂತೆ  ನಗರದಲ್ಲಿ ನಡೆದಿದೆ. ಸಕಲೇಶಪುರ ತಾಲೂಕಿನ ಈಚಲಬೀಡು ನಿವಾಸಿ ಹರೀಶ್‌ ಎಂಬವರು ಶನಿವಾರಸಂತೆ ನಗರದ ಗಣೇಶ್‌ ಎಂಬವರಿಂದ 2013ರಲ್ಲಿ ರೂ 20,000/- ಹಣವನ್ನು ಶೇಕಡಾ 10 ರ ಬಡ್ಡಿಗೆ ಸಾಲವಾಗಿ ಪಡೆದಿದ್ದು ಭದ್ರತೆಗಾಗಿ ಬ್ಯಾಂಕ್‌ ಚೆಕ್‌ ಮತ್ತು ಕಾರಿನ ದಾಖಲಾತಿಗಳನ್ನು ಒತ್ತೆ ಇಟ್ಟಿದ್ದು ಸಾಲದ ಅಸಲು ಹಾಗೂ ಬಡ್ಡಿ ಸೇರಿ ರೂ.40,000/-ವನ್ನು ಕಂತಿನಲ್ಲಿ ಮರು ಪಾವತಿ ಮಾಡಿದ್ದು ಸಾಲ ಮುಗಿದ ನಂತರ ದಿನಾಂಕ 15/10/2015ರಂದು ಹರೀಶ್‌ರವು ಗಣೇಶ್‌ರವರ ಬಳಿ ಒತ್ತೆ ಇಟ್ಟಿದ್ದ ದಾಖಲಾತಿಗಳನ್ನು ಕೇಳಿದಾಗ ಗಣೇಶ್‌ರವರು ಪುನಃ ಸಾಲ ಮತ್ತು ಬಡ್ಡಿಯನ್ನು ನೀಡುವಂತೆ ಒತ್ತಾಯಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಬಸ್ಸಿಗೆ ಲಾರಿ ಡಿಕ್ಕಿ
              ಕೆಎಸ್‌ಆರ್‌ಟಿಸಿ ಬಸ್ಸೊಂದಕ್ಕೆ ಲಾರಿ ಡಿಕ್ಕಿಯಾದ ಘಟನೆ ಮಡಿಕೇರಿ ಬಳಿಯ ದೇವರಕೊಲ್ಲಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ:-03-11-2015 ರಂದು ಕೆಎ-19-ಎಫ್-2934ರ ಕೆಎಸ್‌ಆರ್‌ಟಿಸಿ ಬಸ್ಸನ್ನು ಅದರ ಚಾಲಕ ಶಿವಕುಮಾರ್‌ ಎಂಬವರು ಚಾಲಿಸಿಕೊಂಡು ಮಂಗಳೂರಿನಿಂದ ಹೊರಟು ಮಡಿಕೇರಿ ಮಾರ್ಗವಾಗಿ ಮೈಸೂರಿಗೆ ಹೋಗುತ್ತಿರುವಾಗ ದೇವರಕೊಲ್ಲಿ ಸಮೀಪ ಮಡಿಕೇರಿ ಕಡೆಯಿಂದ ಬರುತ್ತಿದ್ದ ಕೆಎ-21-5988 ರ ಲಾರಿಯ ಚಾಲಕ ಚಿದಾನಂದ ಎಂಬಾತನು ಲಾರಿಯನ್ನು ಅತೀವೇಗ ಹಾಗೂ ಅಜಾಗರೂಕತೆಯಿಂದ ಚಾಲಿಕೊಂಡು ಬಂದು ಶಿವಕುಮಾರ್‌ರವರು ಚಾಲಿಸುತ್ತಿದ್ದ ಬಸ್ಸಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಬಸ್ಸಿನ ಮುಂಭಾಗದ ಬಲಭಾಗ ಜಖಂ ಗೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.