Wednesday, August 3, 2016

ಕಾಣೆಯಾದ ಮಹಿಳೆಯ ಶವ ಪತ್ತೆ
                       ಕಾಣೆಯಾದ ಮಹಿಳೆಯೊಬ್ಬರ ಶವ ವಿರಾಜಪೇಟೆ ಬಳೀಯ ಹೆಗ್ಗಳ ಗ್ರಾಮದ ಕೊರತಿಕಾಡು ಎಂಬಲ್ಲಿ ಪತ್ತೆಯಾಗಿದೆ. ಹೆಗ್ಗಳ ಗ್ರಾಮದ ಕೊರತಿ ಕಾಡು ನಿವಾಸಿ ದಿಲೀಪ್‌ ಎಂಬವರ ಪತ್ನಿ ಭವ್ಯ ಎಂಬವರು ಇತ್ತೀಚೆಗೆ ಮನೆಯಿಂದ ಕೆಲಸಕ್ಕೆಂದು ಹೋಗಿದ್ದವರು ಮನೆಗೆ ವಾಪಾಸು ಬಾರದೆ ಕಾಣೆಯಾಗಿರುವುದಾಗಿ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಮೊಕದ್ದಮೆ ದಾಖಲಾಗಿತ್ತು. ಇದೀಗ ದಿನಾಂಕ 02/08/2016ರಂದು ಕೋದಂಡ ಅಜಿತ್‌ ಎಂಬವರು ಭವ್ಯರವರ ತಂದೆ ಕೆ.ಬಿ.ಉತ್ತಪ್ಪನವರಿಗೆ ದೂರವಾಣಿ ಮೂಲಕ ಉತ್ತಪ್ಪನವರ ಮಗಳು ಭವ್ಯರವರ ಶವವು ಅವರ ತೋಟದಲ್ಲಿ ಪತ್ತೆಯಾಗಿರುವುದಾಗಿ ತಿಳಿಸಿದ್ದು, ಉತ್ತಪ್ಪನವರು ಸ್ಥಳಕ್ಕೆ ಹೋಗಿ ನೋಡಿದಾಗ ಒಂದು ಮೃತ ಶರೀರದ ಅಸ್ಥಿಪಂಜರ ಕಂಡು ಬಂದಿದ್ದು ಅದರ ಮೇಲೆ ಭವ್ಯಳು ಧರಿಸಿದ್ದ ಬಟ್ಟೆಗಳನ್ನು ಗುರುತಿಸಿ ಸದ್ರಿ ಶವವು ಅವರ ಮಗಳದ್ದಾಗಿರುತ್ತದೆ ಎಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.