Friday, March 10, 2017

ಹಲ್ಲೆ ಪ್ರಕರಣ
                       ದಿನಾಂಕ 9-3-2017 ರಂದು ವಿರಾಜಪೇಟೆ ತಾಲೂಕಿನ ಕುಮಟೂರು ಗ್ರಾಮದ ನಿವಾಸಿ ಲತ ಎಂಬುವವರು ನಿಟ್ಟೂರು ಗ್ರಾಮದಲ್ಲಿ ಇರುವ ಅವರ ತೋಟಕ್ಕೆ ಕೆಲಸಕ್ಕೆ ಆಳುಗಳನ್ನು ಕರೆದುಕೊಂಡು ಹೋದಾಗ ನಿಟ್ಟೂರು ಗ್ರಾಮದ ನಿವಾಸಿಗಳಾದ ಲತಾ ಮತ್ತು ವಿಷ್ಣುರವರು ಲತಾರವರ ಮೇಲೆ ಹಲ್ಲೆ ನಡೆಸಿದ್ದು ಈ ಬಗ್ಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಹಣ ವಸೂಲಿ ಮಾಡಿ ಮೋಸ
                  ಜಾಗ ಕೊಡಿಸುವುದಾಗಿ ವ್ಯಕ್ತಿಯೊಬ್ಬರು ಜನರಿಂದ ಹಣ ವಸೂಲಿ ಮಾಡಿ ಮೋಸ ಮಾಡಿರುವ ಬಗ್ಗೆ ಸಿದ್ದಾಪುರದಲ್ಲಿ ವರದಿಯಾಗಿದೆ. 2 ವರ್ಷದ ಹಿಂದೆ ಸಿದ್ದಾಪುರದ ವಾಸಿ ವಿನೋದಿನಿ ಮತ್ತು ಚೆರಿಯಪರಂಬುವಿನ ನಿವಾಸಿ ಸವಿತಾ ಎಂಬುವವರು ರಾಜಶೇಖರ ಮತ್ತು ಇತರ ಸುಮಾರು 150 ಜನರಿಂದ ಅಕ್ರಮ ಸಕ್ರಮದ ಅಡಿಯಲ್ಲಿ ಮನೆ ನಿವೇಶನದ ಜಾಗವನ್ನು ಕೊಡಿಸಿ ಕೊಡುವುದಾಗಿ ಹೇಳಿ ತಲಾ 3000 ರೂ ಹಣವನ್ನು ಪಡೆದು ಇದುವರೆಗೂ ಹಣವನ್ನು ವಾಪಾಸು ನೀಡದೇ ಮೋಸ ಮಾಡಿರುವುದಾಗಿ ಕೊಟ್ಟ ಪುಕಾರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
ಕಾರು ಕಳವು
                 ಮನೆಯ ಮುಂದೆ ನಿಲ್ಲಿಸಿದ್ದ ಕಾರನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋದ ಘಟನೆ ಸೋಮವಾರಪೇಟೆ ತಾಲೂಕಿನ ಕೆದಕಲ್ ಎಂಬಲ್ಲಿ ವರದಿಯಾಗಿದೆ. ಕೆದಕಲ್ ಗ್ರಾಮದ ನಿವಾಸಿ ಮಜೀದ್ ರವರು ಮಾರುತಿ 800 ಕಾರನ್ನು ಮನೆಯ ಮುಂದೆ ಎಂದಿನಂತೆ ನಿಲ್ಲಿಸಿದ್ದು, ದಿನಾಂಕ 7-3-2017 ರ ರಾತ್ರಿ ಯಾರೋ ಕಳ್ಳರು ಕಾರನ್ನು ಕಳವು ಮಾಡಿಕೊಂಡು ಹೋಗಿದ್ದು ಈ ಬಗ್ಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
ವ್ಯಕ್ತಿಯ ಮೇಲೆ ಹಲ್ಲೆ
                       ಮಡಿಕೇರಿ ತಾಲೂಕಿನ ಗುಹ್ಯ ಗ್ರಾಮದ ನಿವಾಸಿ ದೇವರಾಜು ಎಂಬುವವರು ಪಳ್ಳೆಕೆರೆ ಕಾಫಿ ತೋಟದ ಲೈನ್ ಮನೆಯಲ್ಲಿ ವಾಸವಾಗಿದ್ದು, ದಿನಾಂಕ 7-3-2017 ರ ರಾತ್ರಿ ಸಮಯದಲ್ಲಿ ಮಲಗಿರುವಾಗ ಲೈನ್ ಮನೆಯ ಮುಂದಿನ ರಸ್ತೆಯಲ್ಲಿ ಯಾರೋ ಜೋರಾಗಿ ಮಾತನಾಡುವ ಶಬ್ದ ಕೇಳಿ ಹೊರಗೆ ರಸ್ತೆಗೆ ತೆರಳಿ ನೋಡಿದಾಗ ಅದೇ ತೋಟದಲ್ಲಿ ಕೆಲಸ ಮಾಡುತ್ತಿರುವ ದಶರಥ ಹಾಗೂ ಸತೀಶ್ ಎಂಬುವವರು ಜೋರಾಗಿ ಮಾತನಾಡುತ್ತಿದ್ದವರನ್ನು ವಿಚಾರಿಸಿದಾಗ ಇಬ್ಬರೂ ಸೇರಿ ದೇವರಾಜುರವರ ಮೇಲೆ ಹಲ್ಲೆ ನಡೆಸಿದ್ದು ಈ ಬಗ್ಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
ವಿಷ ಸೇವಿಸಿ ಆತ್ಮಹತ್ಯೆ
               ವಿರಾಜಪೇಟೆ ತಾಲೂಕಿನ ಚೆಂಬೆಬೆಳ್ಳುರು ಗ್ರಾಮದ ನಿವಾಸಿ ಸುಮಿತ್ರ ಎಂಬುವವರು ಜೀವನದಲ್ಲಿ ಜುಗುಪ್ಸೆಗೊಂಡು ವಿಷ ಸೇವಿಸಿ ದಿನಾಂಕ 9-3-2017 ರಂದು ಆತ್ಮಹತ್ಯೆ ಮಾಡಿಕೊಂಡಿದ್ದು ಈ ಬಗ್ಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣದಾಖಲಾಗಿರುತ್ತದೆ.