Tuesday, January 23, 2018

ವ್ಯಕ್ತಿ ಆಕಸ್ಮಿಕ ಸಾವು
                         ದಿನಾಂಕ 21/01/2018 ರಿಂದ 22/01/2018ರ ನಡುವೆ ಮಡಿಕೇರಿ ನಗರದ ಕಾನ್ವೆಂಟ್ ಜಂಕ್ಷನ್ ನಿವಾಸಿ ಸತೀಶ್‌ ರಾವ್ ಎಂಬವರು ಕಾನ್ವೆಂಟ್ ಜಂಕ್ಷನ್ ಬಳಿ ಇರುವ ಭಾಸ್ಕರ್ ಹೋಟೆಲಿನ ಪಕ್ಕದ ತೋಡಿನ ಸಿಮೆಂಟ್ ಕಟ್ಟೆಯ ಮೆಷ್‌ಗೆ ಸಿಲುಕಿ ಸಾವಿಗೀಡಾಗಿರುವುದಾಗಿ ವರದಿಯಾಗಿದೆ. ಮೃತ ಸತೀಶ್‌ ರಾವ್‌ರವರು ಅತೀವ ಮದ್ಯ  ವ್ಯಸನಿಯಾಗಿದ್ದು ಅಪಸ್ಮಾರ ಕಾಯಿಲೆಯೂ ಇದ್ದ ಕಾರಣ ಆಕಸ್ಮಿಕವಾಗಿ ಸಿಮೆಂಟ್ ಕಟ್ಟೆಯ ಮೆಷ್‌ಗೆ ಸಿಲುಕಿ ಸಾವಿಗೀಡಾಗಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಲ್ಲೆ ಪ್ರಕರಣ
                       ದಿನಾಂಕ 22/01/2018ರಂದು ಮಡಿಕೇರಿ ನಗರದ ದೇಚೂರು ನಿವಾಸಿಗಳಾದ ಮಹದೇವ ಮತ್ತು ಜಯಲಕ್ಷ್ಮಿ ಎಂಬವರ ಮೇಲೆ ಜಯ ಗಣಪತಿ, ಸರಸು ಮತ್ತು ಇನ್ನಿತರರು ಸೇರಿ ಹಲ್ಲೆ ಮಾಡಿ ಮನೆಯೊಳಗಿದ್ದ ಸಾಮಗ್ರಿಗಳನ್ನು ಹೊರಗೆ ಹಾಕಿ ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ  ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾಡಾನೆ ಧಾಳಿ, ಸಾವು
                    ದಿನಾಂಕ 22/01/2018ರಂದು ಸಿದ್ದಾಪುರ ಬಳಿಯ ಕರಡಿಗೋಡು ನಿವಾಸಿ ಕೆ.ಪಿ.ಮೋಹನ್ ದಾಸ್ ಎಂಬವರು ತೋಟದಲ್ಲಿ ಕಾಫಿ ಕುಯ್ಲು ಮಾಡುತ್ತಿದ್ದಾಗ ಕಾಡಾನೆ ಧಾಳಿಗೆ ಸಿಲುಕಿ ಸಾವಿಗೀಡಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಸ್ಕೂಟರ್‌ಗೆ ಬೆಂಕಿ
                      ದಿನಾಂಕ 21/01/2018ರಂದು ರಾತ್ರಿ ವೇಳೆ ಸುಂಟಿಕೊಪ್ಪ ಬಳಿಯ ಹಾಲೇರಿ ನಿವಾಸಿ ಬಿ.ಡಿ. ಹರಿಣಿ ಎಂಬವರು ಮನೆಯ ಪಕ್ಕದ ರಸ್ತೆಯ ಬದಿ ನಿಲ್ಲಿಸಿದ್ದ ಅವರ ಸ್ಕೂಟರಿಗೆ ಯಾರೋ ಬೆಂಕಿ ಹಚ್ಚಿದ್ದು ವಿಚಾರಿಸಿದಾಗ ಹಾಲೇರಿ ನಿವಾಸಿ ಶಂಕರ ಎಂಬಾತನು ಬೆಂಕಿ ಹಚ್ಚಿರುವುದಾಗಿ ತಿಳಿದು ಬಂದಿರುತ್ತದೆ ಎಂಬುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.