Monday, January 29, 2018

 ಮಹಿಳೆಯ ಮೇಲೆ ವ್ಯಕ್ತಿಯಿಂದ ಹಲ್ಲೆ:

     ಸುಂಟಿಕೊಪ್ಪ ಪೊಲೀಸ್ ಠಾಣಾ ವ್ಯಾಪ್ತಿಯ 7ನೇ ಹೊಸಕೋಟೆ ಗ್ರಾಮದ ವಾಸಿ ಶ್ರೀಮತಿ ಮಾಲತಿ ಎಂಬವರು ದಿನಾಂಕ 28-1-2018 ರಂದು 11-00 ಗಂಟೆಗೆ ತಮ್ಮ ಮನೆಯಲ್ಲಿದ್ದಾಗ ಅವರ ಮನೆಯ ಪಕ್ಕದ ಮನೆಯ ನಿವಾಸಿ ಮುರಳಿ ಎಂಬವರು ಮನೆಯ ಬಳಿ ಬಂದು ಬಾಯಿಗೆ ಬಂದಂತೆ ಅವಾಚ್ಯ ಶಬ್ದಗಳಿಂದ ಬೈಯುತ್ತಿದ್ದು, ಇದನ್ನು ಪ್ರಶ್ನಿಸಿದ ಕಾರಣಕ್ಕೆ ಸದರಿ ಆರೋಲಿ ಮುರಳಿ ಫಿರ್ಯಾದಿ ಶ್ರೀಮತಿ ಮಾಲತಿರವರ ಕೈಯನ್ನು ಹಿಡಿದು ಎಳೆದಾಡಿ ಕೈಯಿಂದ ಹಲ್ಲೆ ನಡೆಸಿದ್ದು ಈ ಸಂಬಂಧ ಶ್ರೀಮತಿ ಮಾಲತಿರವರ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ನೇಣುಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:

     ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯ 7ನೇ ಹೊಸಕೋಟೆ ಗ್ರಾಮದ ನಿವಾಸಿ ಟಿ.ಕೆ. ಸುನಿಲ್ ಎಂಬವರ ಚಿಕ್ಕಪ್ಪನವರ ತೋಟದಲ್ಲಿ ರೈಟರ್ ಆಗಿ ಕೆಲಸ ನಿರ್ವಹಿಸಿಕೊಂಡಿರುವ 7ನೇ ಹೊಸಕೋಟೆ ಗ್ರಾಮದ ನಿವಾಸಿ ಕಿರಣ್ ರವರು ದಿನಾಂಕ 28-1-2018 ರಂದು ಬೆಳಗ್ಗೆ ತಾನು ವಾಸವಾಗಿರುವ ತೋಟದ ವಸತಿ ಗೃಹದಲ್ಲಿ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮೋಟಾರ್ ಬೈಕಿಗೆ ಜೀಪು ಡಿಕ್ಕಿ:
     ದಿನಾಂಕ 28-01-2018 ರಂದು ಪಿರ್ಯಾದಿ ಬಿಹಾರಿ ಮೂಲದ ಮಂತು ಕುಮಾರ್ ಗಿರಿ ಹಾಗೂ ಅವರ ತಮ್ಮ ಬಿರೇಂದ್ರ ಗಿರಿ @ ಸೋನು ಗಿರಿ ರವರು KA-12-L-6213 ರ ಬೈಕ್ ನಲ್ಲಿ ಮಡಿಕೇರಿಯಿಂದ ಸುಂಟಿಕೊಪ್ಪಕ್ಕೆ ಹೋಗುತ್ತಿದ್ದಾಗ, ಸಿಂಕೋನದಲ್ಲಿ ಸಮಯ 8.15 ಎ.ಎಂ ಗೆ ಎದುರುಗಡೆಯಿಂದ ಅಂದರೆ ಸುಂಟಿಕೊಪ್ಪ ಕಡೆಯಿಂದ KA-12-N-1348 ರ ಪಿಕ್ ಆಪ್ ಜೀಪನ್ನು ಅದರ ಚಾಲಕ ಯೂಸಷ್ ರವರು ಅತೀವೇಗ ಹಾಗೂ ನಿರ್ಲಕ್ಷತನದಿಂದ ಓಡಿಸಿಕೊಂಡು ಬಂದು ಏಕಾಎಕಿ ಯಾವುದೇ ಸೂಚನೆ ಇಲ್ಲದೇ ಬೈಕಿನ ಮುಂಭಾಗದಲ್ಲಿ ಮಕ್ಕಂದೂರು ಕಡೆಗೆ ತಿರುಗಿಸಿದ್ದರಿಂದ ಪಿರ್ಯಾಧಿಯವರ ನಿಯಂತ್ರಣ ತಪ್ಪಿದ ಬೈಕ್ ಜೀಪಿನ ಹಿಂಭಾಗದ ಚಕ್ರದ ಬಳಿ ಡಿಕ್ಕಿಯಾದ ಪರಿಣಾಮ ಪಿರ್ಯಾಧಿ ಹಾಗೂ ಅವರ ತಮ್ಮ ರಸ್ತೆಗೆ ಬಿದ್ದು ಗಾಯಗೊಂಡಿದ್ದು, ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ನೀರಿಗೆ ಬಿದ್ದು ಮಹಿಳೆ ಸಾವು:

     ಸಿದ್ದಾಪುರ ಠಾಣಾ ವ್ಯಾಪ್ತಿಯ ಚೆನ್ನಯ್ಯನಕೋಟೆ ಗ್ರಾಮದ ನಿವಾಸಿ ಪಂಜರಿ ಎರವರ ಕಾಳ ಎಂಬವರ ಮಗಳು (35) ಮೂರ್ಛೆ ರೋಗದಿಂದ ಬಳಲುತ್ತಿದ್ದು ದಿನಾಂಕ 28-1-2018 ರಂದು ಸಮಯ 10-00 ಗಂಟೆಗೆ ಮನೆಯ ಪಕ್ಕದಲ್ಲಿ ಇರುವ ಕೆರೆಯಲ್ಲಿ ಬಟ್ಟೆ ಒಗೆಯಲು ಹೋಗಿದ್ದು ಬಟ್ಟೆ ಒಗೆಯುತ್ತಿದ್ದ ವೇಳೆ ಆಕೆ ನೀರಿನಲ್ಲಿ ಬಿದ್ದು ಸಾವನಪ್ಪಿದ್ದು, ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಜರುಗಿಸಿದ್ದಾರೆ.

ಹುಡುಗ ಕಾಣೆ:

    ಗೋಣಿಕೊಪ್ಪ ಠಾಣಾ ಸರಹದ್ದಿನ ಕಳತ್ಮಾಡು ಗ್ರಾಮದ ನಿವಾಸಿ ಗಾಯತ್ರಿ ಎಂಬವರ ಮಗ ಮಧುಮೋಹನ ದಿನಾಂಕ 27-1-2018 ರಂದು ಬೆಳಗ್ಗೆ 11-45 ಗಂಟೆಗೆ ತನ್ನ ಅಕ್ಕ ಮೇಘಮೋಹನ್ ರವರೊಂದಿಗೆ ಗೋಣಿಕೊಪ್ಪದಲ್ಲಿರುವ ಟೈಲರ್ ಅಂಗಡಿಗೆ ಹೋಗಿ ಬರುವುದಾಗಿ ತಿಳಿಸಿ ಹೋಗಿದ್ದು ಅಕ್ಕ ಮೇಘಮೋಹನ್ ರವರನ್ನು ಟೈಲರ್ ಅಂಗಡಿಯಲ್ಲಿ ಬಿಟ್ಟು ಹೋಗಿ ನಂತರ ಮರಳಿ ಬಾರದೆ ಕಾಣೆಯಾಗಿರುತ್ತಾರೆ ಎಂದು ಫಿರ್ಯಾದಿ ಗಾಯತ್ರಿಯವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.