Wednesday, January 24, 2018

 ಆಸ್ತಿ ವಿಚಾರ, ವ್ಯಕ್ತಿ ಮೇಲೆ ಹಲ್ಲೆ:

     ಸೋಮವಾರಪೇಟೆ ತಾಲೋಕು ಹೊಸಬೀಡು ಹಾನಗಲ್ಲು ಗ್ರಾಮದ ನಿವಾಸಿ ಹೆಚ್.ಎ. ಸ್ನೇಹ ರವರ ತಾಯಿ ಹೆಸರಿನಲ್ಲಿ ಆಸ್ತಿ ಇದ್ದು, ಸದರಿ ಆಸ್ತಿಯ ವಿಚಾರವಾಗಿ ಸ್ನೇಹರವರ ಚಿಕ್ಕಪ್ಪನಾದ ಹೂವಯ್ಯ ಎಂಬವರು ಮದ್ಯಪಾನ ಮಾಡಿಕೊಂಡು ಬಂದು ತಾಯಿ ರತಿಯವರೊಂದಿಗೆ ಪದೇ ಪದೇ ಜಗಳ ಮಾಡುತ್ತಿದ್ದು ದಿನಾಂಕ 18-1-2018 ರಂದು 09-45 ಎ.ಎಂ.ಗೆ ಸದರಿ ಹೂವಯ್ಯನವರು ಹೆಚ್.ಎ. ಸ್ನೇಹರವರ ಮನೆಯ ಹತ್ತಿರ ಬಂದು ಸ್ನೇಹರವರ ತಮ್ಮ ಅಕ್ಷಯ್ ಗೌಡರವರನ್ನು ಅವಾಚ್ಯ ಶಬ್ದಗಳಿಂದ ನಿಂದಿಸಿ ಕೈಗಳಿಂದ ಹಲ್ಲೆ ಮಾಡಿದ್ದು ಅಲ್ಲದೆ ಕೊಲೆ ಮಾಡುವುದಾಗಿ ಜೀವ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೆಚ್.ಪಿ. ಹೂವಯ್ಯನವರು ಸೋಮವಾರಪೇಟೆ ಠಾಣೆಯಲ್ಲಿ ದೂರನ್ನು ನೀಡಿ ಅಕ್ಷಯ್ ಗೌಡ ರವರು ದಿನಾಂಕ 18-1-2018 ರಂದು ಬೆಳಗ್ಗೆ 9045 ಗಂಟೆಗೆ ಹೂವಯ್ಯನವರ ಮನೆಯ ಬಳಿ ಹೋಗಿ ಆಸ್ತಿ ವಿಚಾರದಲ್ಲಿ ಜಗಳ ಮಾಡಿ ಹೂವಯ್ಯನವರ ಮೇಲೆ ಹಲ್ಲೆ ಮಾಡಿ ಕೊಲೆ ಬೆದರಿಕೆ ಹಾಕಿರುತ್ತಾರೆಂದು ಆರೋಪಿಸಿದ್ದು, ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ಆರೋಪಿ ಅಕ್ಷಯ್ ಗೌಡನವರ ವಿರುದ್ದವೂ ಪ್ರಕರಣವನ್ನು ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

ಪಾದಚಾರಿ ಮಹಿಳೆಗೆ ಕಾರು ಡಿಕ್ಕಿ:
ಸೋಮವಾರಪೇಟೆ ಠಾಣಾ ಸರಹದ್ದಿನ ಶಾಂತಳ್ಳಿ ಗ್ರಾಮದ ನಿವಾಸಿ ಕೆ.ಎಸ್. ಪ್ರಸಾದ್ ರವರ ತಾಯಿ ಶ್ರೀಮತಿ ಚಂದ್ರಾವತಿಯವರು ದಿನಾಂಕ 16/01/2018 ರಂದು ಮನೆಯ ಕಡೆಗೆ ನಡೆದುಕೊಂಡು ಬರುತ್ತಿರುವಾಗ್ಗೆ, ಶಾಂತಳ್ಳಿ ಕಡೆಯಿಂದ ಕೆಎ-02 ಎಂಬಿ-7625ರ ಮಾರುತಿ ಆಲ್ಟೋ ಕಾರಿನ ಚಾಲಕ ಕಾರನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸಿಕೊಂಡು ಬಂದು ಚಂದ್ರಾವತಿಯವರಿಗೆ ಡಿಕ್ಕಿಪಡಿಸಿದ ಪರಣಾಮ ಸದರಿಯವರ ತಲೆಯ ಭಾಗಕ್ಕೆ ,ಬಲಕೈಗೆ ಮತ್ತು ಬೆನ್ನಿನ ಭಾಗಕ್ಕೆ ಪೆಟ್ಟಾಗಿದ್ದು ಅವರನ್ನು ಸೋಮವಾರಪೇಟೆ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ವೈದ್ಯರ ಸಲಹೆಯಂತೆ ಹೆಚ್ಚಿನ ಚಿಕಿತ್ಸೆ ಬಗ್ಗೆ ಮಂಗಳೂರಿನ ಕೆ.ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಈ ಸಂಬಂಧ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಕೌಟುಂಬಿಕ ಜಗಳ:

    ಶ್ರೀಮತಿ ಯಮುನ, ಸೋಮವಾರಪೇಟೆ ವಾಸಿ ಇವರು ಈ ಹಿಂದೆ ಗುರು ಎಂಬವರನ್ನು ಮದುವೆಯಾಗಿದ್ದು, ಗಂಡ ಗುರು ಅವರನ್ನು ಬಿಟ್ಟು ಹೋದ ಬಗ್ಗೆ ವಿಚಾರಿಸಲು ಶ್ರೀಮತಿ ಯಮುನರವರು ತಂದೆ ಗಣೇಶ, ತಾಯಿ ಪ್ರೇಮ, ಅಣ್ಣ ಯೋಗೇಶ್ ರವರೊಂದಿಗೆ ಗುರುವಿನ ಮನೆ ಬಳಿ ಹೋದಾಗ ಗುರು,ಆತನ ತಾಯಿ ಲತಾ, ಗುರುವಿನ ಮಾವ ಪ್ರಕಾಶರವರುಗಳು ಸೇರಿ ಶ್ರೀಮತಿ ಯಮುನ ರವರ ಮೇಲೆ ಹಲ್ಲೆ ನಡೆಸಿ ದೂಡಿ ಕೆಳಗೆ ಬೀಳಿಸಿದ ಪರಿಣಾಮ ಹೊಟ್ಟೆ ಭಾಗಕ್ಕೆ ಪೆಟ್ಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಪ್ರವೇಶ ಹಲ್ಲೆ:

    ಕುಶಾಲನಗರ ಗ್ರಾಮಾಂತರ ಠಾಣಾ ಸರಹದ್ದಿನ ಕೂಡ್ಲೂರು ಗ್ರಾಮದ ನಿವಾಸಿ ಶ್ರೀಮತಿ ಲತಾ ಎಂಬವರು ದಿನಾಂಕ 23-1-2018 ರಂದು ತಮ್ಮ ಮನೆಯಲ್ಲಿ ಇರುವಾಗ್ಗೆ ಆರೋಪಿಗಳಾದ ಯೋಗೇಶ, ಗಣೇಶ, ಪ್ರೇಮಾ, ಯಮುನಾ ರವರು ಸೇರಿಕೊಂಡು ಲತಾರವರ ಮನೆಗೆ ಅಕ್ರಮ ಪ್ರವೇಶ ಮಾಡಿ ಶ್ರೀಮತಿ ಲತಾರವರ ಮಗಳ ಮದುವೆ ವಿಚಾರದಲ್ಲಿ ಜಗಳ ಮಾಡಿ ಅವಾಚ್ಯ ಶಬ್ದಗಳಿಂದ ಬೈದು ಶ್ರೀಮತಿ ಲತಾರವರ ಮೇಲೆ ಹಲ್ಲೆ ಮಾಡಿ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖ ಕೈಗೊಂಡಿದ್ದಾರೆ.