Saturday, January 27, 2018

ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ:

     ಸಿದ್ದಾಪುರ ಠಾಣಾ ವ್ಯಾಪ್ತಿಯ ಹೊಸುರು ಬೆಟ್ಟಗೇರಿ ಗ್ರಾಮದ ನಿವಾಸಿ ಶ್ರೀಮತಿ ಹೆಚ್.ಬಿ. ಶಶಿ ಎಂಬವರ ಪತಿ ಕುಶ ಎಂಬವರು ದಿನಾಂಕ 26-1-2018 ರಂದು ಯಾವುದೋ ವಿಷ ಸೇವಿಸಿ ಅಸ್ವಸ್ಥಗೊಂಡು ಅವರನ್ನು ಚಿಕಿತ್ಸೆಗೆ ಅಮ್ಮತ್ತಿ ಆರ್.ಐ.ಹೆಚ್.ಪಿ ಆಸ್ಪತ್ರೆಗೆ ದಾಖಲಿಸಿದ್ದು, ಚಿಕಿತ್ಸೆ ಫಲಕಾರಿಯಾಗದೆ ಸದರಿ ಕುಶರವರು ಮೃತಪಟ್ಟಿದ್ದು, ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನೇಣುಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:

     ಸೋಮವಾರಪೇಟೆ ತಾಲೋಕು, ಶನಿವಾರಸಂತೆಯ ತ್ಯಾಗರಾಜ ಕಾಲೋನಿಯಲ್ಲಿ ವಾಸವಾಗಿರುವ ಮಂಜುನಾಥ ಎಂಬವರ ತಂದೆ ಕೃಷ್ಣಶೆಟ್ಟಿಯವರಿಗೆ 70 ವರ್ಷ ಪ್ರಾಯವಾಗಿದ್ದು ಮನೆಯಲ್ಲಿ ಇರುತ್ತಿದ್ದು ಇವರಿಗೆ ಮಧ್ಯಪಾನ ಮಾಡುವ ಅಭ್ಯಾಸವಿದ್ದು ದಿನಾಂಕ 26-01-2018 ರಂದು ಬೆಳಿಗ್ಗೆ 08.00 ಗಂಟೆಗೆ ಸದರಿ ಕೃಷ್ಣಶೆಟ್ಟಿಯವರು ಮಲಗುವ ಕೋಣೆಯಲ್ಲಿ ವಿಪರೀತ ಮಧ್ಯಪಾನ ಮಾಡಿದ ಮತ್ತಿನಲ್ಲಿ ಜೇವನದಲ್ಲಿ ಜಿಗುಪ್ಸೆಗೊಂಡು ಮರದ ಕೌಕೋಲಿಗೆ ನೇಣು ಬಿಗದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುತ್ತಾರೆಂದು ಅವರ ಮಗ ಮಂಜುನಾಥರವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಜರುಗಿಸಿದ್ದಾರೆ.

ಕ್ಷುಲ್ಲಕ ಕಾರಣ ಜಗಳ ಹಲ್ಲೆ:

      ಸೋಮವಾರಪೇಟೆ ತಾಲೋಕು ಅರೆಯೂರು ಗ್ರಾಮದ ನಿವಾಸಿಗಳಾದ ವಿ.ಪಿ. ಸಂಪು ಮತ್ತು ರಶ್ಮಿ ಎಂಬವರ ನಡುವೆ ದಿನಾಂಕ 26-1-2018 ರಂದು ಸಮಯ 21-30 ಗಂಟೆಗೆ ಸಂಪು ಮತ್ತು ಉತ್ತಪ್ಪ ರವರುಗಳು ಮೋಟಾರ್ ಸೈಕಲಿನಲ್ಲಿ ಬಂದು ಉತ್ತಪ್ಪ ಎಂಬವರ ಮನೆಯ ಮುಂದೆ ಬೈಕ್ ಸ್ಕಿಡ್ ಆಗಿ ಬಿದ್ದ ವಿಚಾರದಲ್ಲಿ ಜಗಳವಾಗಿ ಉತ್ತಪ್ಪ ಹಾಗು ಅವರ ಪತ್ನಿ ರಶ್ಮಿರವರು ದೊಣ್ಣೆಯಿಂದ ಸಂಪು ರವರ ಮೇಲೆ ಹಲ್ಲೆ ನಡೆಸಿರುತ್ತಾರೆಂದು ದೂರನ್ನು ನೀಡಿದ್ದು ಮತ್ತು ಇದೇ ವಿಚಾರದಲ್ಲಿ ರಶ್ಮಿರವರು ದೂರನ್ನು ನೀಡಿ ಸಂಪು ಮತ್ತು ಸಂದೇಶ್ ರವರು ಉತ್ತಪ್ಪ ಹಾಗು ಅವರ ಪತ್ನಿ ಫಿರ್ಯಾದಿ ರಶ್ಮಿರವರ ಮೇಲ್ ಹಲ್ಲೆ ಹಲ್ಲೆ ನಡೆಸಿರುತ್ತಾರೆಂದು ದೂರನ್ನು ನೀಡಿದ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರತ್ಯೇಕವಾಗಿ 2 ಪ್ರಕರಣಗಳನ್ನು ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.