Friday, October 26, 2018

ಹಲ್ಲೆ ಪ್ರಕರಣ
ದಿನಾಂಕ 24/10/2018ರ ಸಂಜೆ ವೇಳೆ ಕುಶಾಲನಗರ ಬಳಿಯ ಹುದುಗೂರು ನಿವಾಸಿ ಜೀವನ್ ಎಂಬವರು ಸೀತ ಕಾಲೋನಿಯಲ್ಲಿರಯವ ಅವರ ದೊಡ್ಡಪ್ಪ ನಾಗರವರ ಮನೆಯಿಂದ ಮರಳಿ ಬರುತ್ತಿರುವಾಗ ಹುದುಗೂರು ಗ್ರಾಮದ ನಿವಾಸಿಗಳಾದ ಗಣೇಶ, ದಿನೇಶ ಮತ್ತು ಮದನ್ ಎಂಬವರು ಸೇರಿಕೊಂಡು ಹಳೆ ದ್ವೇಷದ ಕಾರಣದಿಂದ ಜೀವನ್‌ರವರ ಮೇಲೆ ಹಲ್ಲೆ ಮಾಡಿದ್ದು ತಡೆಯಲು ಬಂದ ನಾಗರವರಿಗೂ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಪಘಾತ
ದಿನಾಂಕ 25/10/2018ರಂದು ಶನಿವಾರಸಂತೆ ಬಳಿಯ ಶುಂಠಿ ನಿವಾಸಿ ಯತೀಶ ಎಂಬವರು ಅವರ ಮೋಟಾರು ಸೈಕಲಿನಲ್ಲಿ ಧರ್ಮಪ್ಪ ಎಂಬವರೊಂದಿಗೆ ಸೋಮವಾರಪೇಟೆಯಿಂದ ಮರಳಿ ಊರಿಗೆ ಹೋಗುತ್ತಿರುವಾಗ ಕಿಬ್ಬೆಟ್ಟ ಗ್ರಾಮದ ಬಳಿ ಒಂದು ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಯತೀಶ್‌ರವರು ಚಾಲಿಸುತ್ತಿದ್ದ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಯತೀಶ್‌ ಹಾಗೂ ಧರ್ಮಪ್ಪರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ
ಸೋಮವಾರಪೇಟೆ ಬಳಿಯ ಕುಂದಳ್ಳಿ ನಿವಾಸಿ ಚೆನ್ನಪ್ಪ ಎಂಬವರು ದಿನಾಂಕ 13/10/2018ರಿಂದ 25/10/2018ರ ನಡುವೆ ಕುಂದಳ್ಳಿಯ ಪರಮೇಶ್ವರ್ ಎಂಬವರಿಗೆ ಸೇರಿದ ಕಾಡು ಜಾಗದಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಚಿನ್ನಪ್ಪರವರು ಯಾವುದೋ ಕಾರಣಕ್ಕೆ ಜೀವನದಲ್ಲಿ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಳವು ಪ್ರಕರಣ
ದಿನಾಂಕ 22/10/2018ರ ರಾತ್ರಿ ವೇಳೆ ಮಡಿಕೇರಿ ಬಳಿಯ ಹಾಕತ್ತೂರು ನಿವಾಸಿ ಮಹಮದ್ ಕೋಯ ಎಂಬವರ ಅಂಗಡಿಯ ಹಿಂದಿನ ಬಾಗಿಲು ಮೂಲಕ ಒಳ ನುಗ್ಗಿದ ಯಾರೋ ಕಳ್ಳರು ಹೋಟೆಲಿನಲ್ಲಿದ್ದ ಸುಮಾರು ರೂ. 5-6 ಸಾವಿರ ನಗದು ಹಾಗೂ ಪಕ್ಕದ ರಂಶಾದ್‌ ಎಂಬವರ ಹೋಟೆಲಿನಿಂದ ರೂ.5000 ನಗದು ಹಾಗೂ ಇನ್ನಿತರ ವಸ್ತುಗಳು ಸೇರಿ ಒಟ್ಟು ರೂ. 23,000/- ಮೌಲ್ಯದ ವಸ್ತುಗಳನ್ನು ಕಳವು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

Monday, October 22, 2018

ರಸ್ತೆ ಅಪಘಾತ
ದಿನಾಂಕ 19/10/2018ರಂದು ರಾತ್ರಿ 2:30 ಗಮಟೆಗೆ ಬೆಂಗಳೂರಿನ ಕಗ್ಗಲೀಪುರ ನಿವಾಸಿ ಎನ್.ಶ್ರೀಧರ್ ಎಂಬವರು ಬೆಂಗಳೂರಿನ ಅವಿನಾಶ್‌ ರಾವ್ ಎಂಬವರು ಚಾಲಿಸುತ್ತಿದ್ದ ಕಾರಿನಲ್ಲಿ ಮಡಿಕೇರಿಗೆ ಬರುತ್ತಿರುವಾಗ ಆನೆಕಾಡು ಬಳಿ ಯಾವುದೋ ಕಾಡು ಪ್ರಾಣಿ ರಸ್ತೆಗೆ ಅಡ್ಡ ಬಂದಿದ್ದು ಚಾಲಕ ಅವಿನಾಶ್‌ ರಾವ್‌ರವರು ಏಕಾ ಏಕಿ ಅಜಾಗರೂಕತೆಯಿಂದ ಕಾರನ್ನು ಬ್ರೇಕ್‌ ಹಾಕಿದ ಪರಿಣಾಮ ಕಾರು ರಸ್ತೆಯಲ್ಲಿ ಮಗುಚಿಕೊಂಡು ಕಾರಿನಲ್ಲಿದ್ದ ವಿ.ಮುನಿರಾಜ್ ಹಾಗೂ ಡಿ.ಆರ್.ಮುನಿರಾಜ್‌ ಎಂಬವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಸ್ಕೂಟರ್ ಅವಘಢ
ದಿನಾಂಕ 21/10/2018ರಂದು ಕುಶಾಲನಗರದ ಬಿ.ಎಂ.ರಸ್ತೆಯ ಫಾತಿಮಾ ಜಂಕ್ಷನ್ ಬಳಿ ಕೊಪ್ಪ ಕಡೆಯಿಂದ ಬಾಬು ಲಾಲ್ ನಾಯ್ಕ ಎಂಬವರು ಒಂದು ಸ್ಕೂಟರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಏಕಾ ಏಕಿ ಬ್ರೇಕ್ ಹಾಖಿದ ಪರಿಣಾಮ ಸ್ಕೂಟರ್ ಆತನ ನಿಯಂತ್ರಣ ತಪ್ಪಿ ಮಗುಚಿಕೊಂಡು ಬಾಬು ಲಾಲ್ ನಾಯ್ಕ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪಾದಚಾರಿಗೆ ಕಾರು ಡಿಕ್ಕಿ
ದಿನಾಂಕ 21/10/2018ರಂದು ಭಾಗಮಂಡಲ ನಿವಾಸಿ ನಿಡ್ಯಮಲೆ ರವಿ ಎಂಬವರು ಭಾಗಮಂಡಲದ ನಿಡ್ಯಮಲೆ ದಾಮೋದರ ಎಂಬವರ ಮನೆಯ ಬಳಿಯ ಸಾರ್ವಜನಿಕ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ತಲಕಾವೇರಿ ಕಡೆಗೆ ಹೋಗುತ್ತಿದ್ದ ಒಂದು ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರವಿವರವರಿಗೆ ಡಿಕ್ಕಿಪಡಿಸಿ ಕಾರನ್ನು ನಿಲ್ಲಿಸದೆ ಹೋಗಿದ್ದು ರವಿರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವಿದ್ಯುತ್ ಸ್ಪರ್ಷ ; ವ್ಯಕ್ತಿ ಸಾವು
ದಿನಾಂಕ 21/10/2018ರಂದು ಮೇಕೇರಿ ಬಳಿಯ ಪೊಕ್ಕಳಂಡ್ರ ಭೋಜಪ್ಪ ಎಂಬವರು ಅವರ ಕಾಫಿ ತೋಟಕ್ಕೆ ಹೋಗಿದ್ದು ಮರಳಿ ಬರುವಾಗ ಅಲ್ಯುಮಿನಿಯಂ ಏಣಿಯನ್ನು ತರುವಾಗ ಏಣಿಯು ಮೇಲೆ ಹಾದು ಹೋಗಿದ್ದ ವಿದ್ಯುತ್ ತಂತಿಗೆ ತಾಗಿ ವಿದ್ಯುತ್ ಹರಿದು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ದೇಗುಲ ಕಳವು
ದಿನಾಂಕ 20/10/2018ರ ರಾತ್ರಿ ವೇಳೆ ಶ್ರೀಮಂಗಲ ಬಳಿಯ ತಾವಳಗೇರಿಯ ಮಹಾದೇವರ ದೇವಸ್ಥಾನದ ಬಾಗಿಲ ಬೀಗವನ್ನು ಯಾರೋ ಕಳ್ಳರು ಮುರಿದು ಒಳ ಪ್ರವೇಶಿಸಿ ದೇವಸ್ಥಾನದಲ್ಲಿದ್ದ ಸುಮಾರು ರೂ.20,000/- ಬೆಲೆ ಬಾಳುವ ದೇವರ ಪಂಚ ಲೋಹದ ವಿಗ್ರಹವನ್ನು ಕಳವು ಮಾಡಿಕೊಂಡು ಹೋಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣದ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, October 17, 2018

ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ
ದಿನಾಂಕ 15/10/2018ರಂದು ಶನಿವಾರಸಂತೆ ಬಳಿಯ ಹುಲುಕೋಡು ನಿವಾಸಿ ಕೊಮಾರಯ್ಯ ಎಂಬವರು ಮನೆಯಲ್ಲಿ ಯಾರೂ ಇಲ್ಲದ ವೇಳೆಯಲ್ಲಿ ಯಾವುದೋ ವಿಷ ಸೇವಿಸಿ ಅಸ್ವಸ್ಥರಾಗಿದ್ದು ಅವರನ್ನು ಚಿಕಿತ್ಸೆಗಾಗಿ ಹಾಸನದ ಸರ್ಕಾರಿ ಆಸ್ಪತ್ರೆಯಲ್ಲಿ ದಾಖಲಿಸಿದ್ದು ದಿನಾಂಕ 16/10/2018ರಂದು ಚಿಕಿತ್ಸೆ ಫಲಕಾರಿಯಾಗದೆ ಕೊಮಾರಯ್ಯನವರು ಮೃತರಾಗಿರುವುದಾಗಿ ವರದಿಯಾಗಿದೆ. ಮೃತ ಕೊಮಾರಯ್ಯನವರ ಕಿರಿ ಮಗ ಸೋಮಶೇಖರವರು ಕೆಲವು ವರ್ಷಗಳ ಹಿಂದೆ ತೀರಿಕೊಂಡಿದ್ದು ಈ ಬಗ್ಗೆ ಜುಗುಪ್ಸೆಗೊಂಡು ಕೊಮಾರಯ್ಯನವರು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಪಘಾತ
ದಿನಾಂಕ 15/10/2018ರಂದು ಗೋಣಿಕೊಪ್ಪ ಬಳಿಯ ಕೈಕೇರಿ ನಿವಾಸಿ ಎಂ.ಡಿ.ಮಹದೇವಸ್ವಾಮಿ ಎಂಬವರು ಅವರ ರಿಕ್ಷಾದಲ್ಲಿ ಅರುವತೊಕ್ಲು ಕಡೆಯಿಂದ ಗೋಣಿಕೊಪ್ಪಕ್ಕೆ ಬರುತ್ತಿರುವಾಗ ಕಾಫಿ ಬೋರ್ಡ್‌ ಜಂಕ್ಷನ್ ಬಳಿ ಎದುರಿನಿಂದ ಕಾಟ್ರಕೊಲ್ಲಿ ನಿವಾಸಿ ಸುಲೈಮಾನ್‌ ಎಂಬವರು ಒಂದು ಕಾರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಮಹದೇವಸ್ವಾಮಿರವರ ರಿಕ್ಷಾಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಮಹದೇವ ಸ್ವಾಮಿರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಣ ವಂಚನೆ 
ಕೂಡಿಗೆ ಬಳಿಯ ಬಸವನತ್ತೂರು ನಿವಾಸಿ ಜಗದೀಶ್‌ ಪಿ.ಬಿ. ಎಂಬವರ ಮೊಬೈಲಿಗೆ ದಿನಾಂಕ 31/07/2018ರಂದು ಕೆಲವರು ಲೈಮ್‌ ರೋಡ್ ಆನ್‌ಲೈನ್‌ ಶಾಪಿಂಗ್‌ ಪೋರ್ಟಲ್‌ನಿಂದ ಕರೆ ಮಾಡುವುದಾಗಿ ಪರಿಚಯಿಸಿಕೊಂಡು ಲಕ್ಕಿ ಡ್ರಾದಲ್ಲಿ ಜಗದೀಶ್‌ರವರು ಮಹಿಂದ್ರಾ ಎಕ್ಸ್‌ಯುವಿ ವಾಹನವನ್ನು ಗೆದ್ದಿದ್ದು ಅದನ್ನು ಪಡೆದುಕೊಳ್ಳಲು ವಾಹನದ ಇನ್ಷೂರೆನ್ಸ್‌ ಮತ್ತು ರಸ್ತೆ ತೆರಿಗೆಯನ್ನು ಕಟ್ಟ ಬೇಕೆಂದು ಹೇಳಿ ವಿವಿಧ ಬ್ಯಾಂಕ್‌ ಖಾತೆಗಳಿಗೆ ಸುಮಾರು ರೂ.6,15,000/- ಗಳನ್ನು ಕಟ್ಟಿಸಿಕೊಂಡಿದ್ದು ನಂತರ ವಾಹನವನ್ನು ನೀಡದೆ ಜಗದೀಶ್‌ರವರು ಅವರಿಗೆ ಕರೆ ಮಾಡಿದ ದೂರವಾಣಿ ಸಂಖ್ಯೆಗೆ ಕರೆ ಮಾಡಿದಾಗ ಆ ಸಂಖ್ಯೆಯು ಅಸ್ತಿತ್ವದಲ್ಲಿ ಇಲ್ಲ ಎಂಬುದಾಗಿ ಬರುತ್ತಿದ್ದು ತನಗೆ ಹಣವನ್ನು ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆ ಆತ್ಮಹತ್ಯೆ
ದಿನಾಂಕ 15/10/2018ರಂದು ಮಡಿಕೇರಿ ಬಳಿಯ ಬೆಟ್ಟಗೇರಿ ನಿವಾಸಿ ಮಾದೇವಿ ಎಂಬವರು ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ. ಮೃತೆ ಮಾದೇವಿರವರಿಗೆ ಮದ್ಯಪಾನದ ಚಟವಿದ್ದು ಮದ್ಯಪಾನ ಮಾಡಿದ ಮತ್ತಿನಲ್ಲಿ ಕುಟುಂಬಸ್ಥರೊಂದಿಗೆ ಜಗಳವಾಡಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣದ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

Tuesday, October 16, 2018

ಹಲ್ಲೆ ಪ್ರಕರಣ
ದಿನಾಂಕ 15/10/2018ರಂದು ಕೇರಳದ ಮಾನಂದವಾಡಿ ನಿವಾಸಿ ಎಂ.ಎಂ.ಜೋತಿಷ್ ಎಂಬವರು ಸಿದ್ದಾಪುರ ಬಳಿಯ ಕರಡಿಗೋಡಿನ ಅವರ ಅಜ್ಜಿಯ ಮನೆಯಲ್ಲಿರುವಾಗ ಪಕ್ಕದ ಮನೆಯ ನಿವಾಸಿಗಳಾದ ರಾಮದಾಸ್ ಮತ್ತು ಅಶೋಕ್ ಎಂಬವರು ಕ್ಷುಲ್ಲಕ ಕಾರಣಕ್ಕ ಜಗಳವಾಡಿ ದಬ್ಬೆ ಕತ್ತಿಯಿಂದ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
ದಿನಾಂಕ 14/10/2018ರಂದು ಮೇಕೇರಿ ನಿವಾಸಿ ನಾಗೇಶ್ ಜಿ.ಎಂ. ಎಂಬವರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ವರದಿಯಾಗಿದೆ. ಮೃತ ನಾಗೇಶ್‌ರವರು ಅತೀವ ಮದ್ಯ ವ್ಯಸನಿಯಾಗಿದ್ದು ಮದ್ಯದ ಅಮಲಿನಲ್ಲಿ ಯಾವುದೋ ವಿಷ ಪದಾರ್ಥವನ್ನು ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. 

ಮನುಷ್ಯ ಕಾಣೆ ಪ್ರಕರಣ
ಸೋಮವಾರಪೇಟೆ ಬಳಿಯ ಕುಂದಳ್ಳಿ ನಿವಾಸಿ ಕೆ.ಜಿ.ಚಿನ್ನಪ್ಪ ಎಂಬವರು ದಿನಾಂಕ 13/10/2018ರಂದು ಅವರ ಪತ್ನಿಯ ಮನೆಯಾದ ಸುಬ್ರಮಣ್ಯಕ್ಕೆ ಹೋಗಿ ಬರುವುದಾಗಿ ಹೇಳಿ ಹೋಗಿದ್ದು ಎಲ್ಲಿಗೂ ಹೋಗದೆ ಕಾಣೆಯಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಲ್ಲೆ ಪ್ರಕರಣ
ದಿನಾಂಕ 15/10/2018ರಂದು ಕುಶಾಲನಗರದ ಗಂಧದಕೋಟೆಯಲ್ಲಿ ಮೀನು ವ್ಯಾಪಾರ ಮಾಡಿಕೊಂಡಿರುವ ನೆಲ್ಲಿ ಹುದಿಕೇರಿ ನಿವಾಸಿ ದಿರಾರ್‌ ಎಂಬವರ ಅಂಗಡಿಗೆ ಮಾದಾಪಟ್ನ ನಿವಾಸಿ ಸುಬ್ಬು , ಮೈಸೂರಿನ ತಿರುಮಲಾಪುರದ ನಿವಾಸಿ ಆನಂದ ಮತ್ತು ಇತರ 5 ಜನರು ರಿಕ್ಷಾದಲ್ಲಿ ಬಂದು ಕ್ಷುಲ್ಲಕ ಕಾರಣಕ್ಕೆ ಜಗಳವಾಡಿ ಕೆಲಸಗಾರರಿಗೆ ಕೈಯಿಂದ ಹೊಡೆದು ಅಂದಾಜು ರೂ.20,000/- ಮೌಲ್ಯದ ಮೀನನ್ನು ನೆಲಕ್ಕೆ ಚೆಲ್ಲಿ ಹಾಳು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆ ಆತ್ಮಹತ್ಯೆ
ದಿನಾಂಕ 15/10/2018ರಂದು ಸುಂಟಿಕೊಪ್ಪ ಬಳಿಯ ಹರದೂರು ನಿವಾಸಿ ಚಂದ್ರಾವತಿ ಎಂಬವರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ. ಮೃತೆ ಚಂದ್ರಾವತಿಯವರು ಚರ್ಮದ ಕಾಯಿಲೆಯಿಂದ ಬಳಲುತ್ತಿದ್ದು ಕಾಯಿಲೆ ವಾಸಿಯಾಗದ ಕಾರಣಕ್ಕೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, October 13, 2018

ನಕಲಿ ಚಿನ್ನ ಅಡವಿಟ್ಟು ಮೋಸ
ಮಡಿಕೇರಿಯ ಜಿ.ಟಿ.ರಸ್ತೆಯಲ್ಲಿರುವ ಸಿಂಡಿಕೇಟ್ ಬ್ಯಾಂಕ್ ಶಾಖೆಯ ಹಿರಿಯ ವ್ಯವಸ್ಥಾಪಕರಾದ ಗೌರದೇವಿಯವರು ದಿನಾಂಕ 12/09/2018ರಂದು ಚಿನ್ನಾಭರಣ ಸಾಲಗಳಿಗೆ ಸಂಬಂಧಿಸಿದಂತೆ ಚಿನ್ನಾಭರಣಗಳ ಮೌಲ್ಯಮಾಪನವನ್ನು ಮಾಡಿಸುತ್ತಿರುವಾಗ ಒಂದನೇ ಮೊಣ್ಣಂಗೇರಿ ನಿವಾಸಿ ರಾಮ ಮೂರ್ತಿ ಎಂಬವರು ಸುಮಾರು ರೂ.5,34,600/- ರೂಗಳ ಸಾಲಕ್ಕೆ ಅಡವಿಟ್ಟಿದ್ದ ಚಿನ್ನಾಭರಣಗಳ ಪೈಕಿ 129 ಗ್ರಾಂ ತೂಕದ ಒಂದು ಜೋಮಾಲೆ ಸರವು ನಕಲಿಯಾಗಿದ್ದು ಸದ್ರಿ ಚಿನ್ನಾಭರಣಗಳನ್ನು ಮಡಿಕೇರಿಯ ಎ.ವಿ.ಶಾಲೆ ಬಳಿಯ ಕೆ.ಎನ್.ಪ್ರವೀಣ್‌ ಎಂಬವರು ಮೌಲ್ಯ ಮಾಪನ ಮಾಡಿ ಅಸಲಿ ಚಿನ್ನ ಎಂದು ಪ್ರಮಾಣ ಪತ್ರ ನೀಡಿದ್ದು ಇಬ್ಬರೂ ಸೇರಿ ನಕಲಿ ಚಿನ್ನಾಭರಣಗಳನ್ನು ಅಡವಿಟ್ಟು ಬ್ಯಾಂಕಿಗೆ ಮೋಸ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಲ್ಲೆ ಪ್ರಕರಣ
ದಿನಾಂಕ 11/10/2018ರಂದು ಅಮ್ಮತ್ತಿ ನಿವಾಸಿ ಮನೆಯಪಂಡ ಮಧು ಮಾದಪ್ಪ ಎಂಬವರು ಅವರ ಮನೆಯ ಅಂಗಳದಲ್ಲಿ ಅವರ ಚಿಕ್ಕಪ್ಪ ಎಂ.ಎಂ.ಬೆಳ್ಯಪ್ಪ ಮತ್ತು ಚಿಕ್ಕಪ್ಪನ ಮಗ ದೇವಯ್ಯನವರೊಂದಿಗೆ ಮಾತನಾಡುತ್ತಾ ನಿಂತಿರುವಾಗ ಮಧು ಮಾದಪ್ಪರವರ ದೊಡ್ಡಪ್ಪನ ಮಗ ಎಂ.ಜಿ.ಪೊನ್ನಪ್ಪ ಎಂಬವರು ಏಕಾ ಏಕಿ ಅಲ್ಲಿಗೆ ಬಂದು ಮಧು ಮಾದಪ್ಪನವರಿಗೆ ಹೊಡೆದು ಹಲ್ಲೆ ಮಾಡಿದ್ದು ಪತ್ನಿ ಮಕ್ಕಳಿಗೆ ಜೀವ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Friday, October 12, 2018

ವ್ಯಕ್ತಿ ಸಾವು ಪ್ರಕರಣ
ದಿನಾಂಕ 11/10/2018ರಂದು ಅಮ್ಮತ್ತಿ ಬಳಿಯ ಪುಲಿಯೇರಿ ನಿವಾಸಿ ವಿಜೇಶ್ ಎಂಬವರು ಕಾವಾಡಿ ಗ್ರಾಮದ ಐನಂಡ ಪ್ರಕಾಶ್‌ ಎಂಬವರ ಮನೆಯಲ್ಲಿ ಕೆಲಸ ಮಾಡುತ್ತಿರುವಾಗ ನೀರಿನ ಬಾಟಲಿ ಎಂದು ಭಾವಿಸಿ ಯಾವುದೋ ವಿಷ ದ್ರವವನ್ನು ಸೇವಿಸಿ ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ನೇಣು ಬಿಗಿದು ವ್ಯಕ್ತಿ ಆತ್ಮಹತ್ಯೆ
ದಿನಾಂಕ 11/10/2018ರಂದು ಮಡಿಕೇರಿ ಬಳಿಯ ಮೇಕೇರಿ ನಿವಾಸಿ ನಾರಾಯಣ ಎಂಬವರು ಮನೆಯಲ್ಲಿ ಮಾಡಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ. ಮೃತ ನಾರಾಯಣ ಅತೀವ ಮದ್ಯ ವ್ಯಸನಿಯಾಗಿದ್ದು ಮದ್ಯಪಾನದ ಅಮಲಿನಲ್ಲಿ ಯಾವುದೋ ವಿಚಾರಕ್ಕೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Tuesday, October 9, 2018

ವ್ಯಕ್ತಿ ಆತ್ಮಹತ್ಯೆ
ದಿನಾಂಕ 07/10/2018ರಂದು ಕುಶಾಲನಗರ ಸಮೀಪದ ಬಸವನಹಳ್ಳಿ ನಿವಾಸಿ ಭೀಮಯ್ಯ ಎಂಬವರು ವಿಷ ಸೇವಿಸಿ ಮನೆಯ ಬಳಿ ಇರುವ ಚಿಕ್ಲಿಹೊಳೆ ಕಾಲುವೆಯಲ್ಲಿ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ವರದಿಯಾಗಿದೆ. ಮೃತ ಭೀಮಯ್ಯ ಮೂಲತಃ ಸೂರ್ಲಬ್ಬಿ ಗ್ರಾಮದ ನಿವಾಸಿಯಾಗಿದ್ದು ಆಗಸ್ಟ್ ತಿಂಗಳಿನಲ್ಲಿ ಸುರಿದ ಭಾರೀ ಮಳೆಗೆ ಅವರ ಮನೆಗೆ ಹಾನಿಯಾಗಿ ಬಿದ್ದು ಹೋದ ಕಾರಣಕ್ಕೆ ಬಸವನಹಳ್ಳಿ ಗ್ರಾಮದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಿದ್ದರೆನ್ನಲಾಗಿದೆ. ಭಿಮಯ್ಯನವರು ಮಾಡಿದ್ದ ಸಾಲಗಳನ್ನು ತೀರಿಸಲಾಗದೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೆಳೆ ನಾಶ, ಕೊಲೆ ಬೆದರಿಕೆ
ಮಡಿಕೇರಿ ಬಳಿಯ ಬಿಳಿಗೇರಿ ನಿವಾಸಿ ಕೆ.ಬಿ.ರಾಣಿ ಎಂಬವರ ತೋಟಕ್ಕೆ ದಿನಾಂಕ 05/10/2018ರಂದು ಅಚ್ಚಯ್ಯ ಎಂಬವರು ಅಕ್ರಮವಾಗಿ ಪ್ರವೇಶಿಸಿ ರಾಣಿಯವರು ಹಾಕಿದ್ದ ತಂತಿ ಬೇಲಿಯನ್ನು ಕಿತ್ತು, ಕೆಲವು ಕಾಫಿ ಗಿಡಗಳನ್ನು ನಾಶಗೊಳಿಸಿದ್ದು ಈ ಬಗ್ಗೆ ವಿಚಾರಿಸಿದ ರಾಣಿಯವರಿಗೆ ಕತ್ತಿಯಿಂದ ಕಡಿದು ಕೊಲೆ ಮಾಡುವುದಾಗಿ ಬೆದರಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಲ್ಲೆ ಪ್ರಕರಣ
ದಿನಾಂಕ 07/10/2018ರಂದು ಓಂನಾಥ್ ಶರ್ಮಾ ಎಂಬವರು 1ನೇ ಮೊಣ್ಣಂಗೇರಿ ಗ್ರಾಮದ ತಾಜ್ ರೆಸಾರ್ಟಿನಲ್ಲಿ ಕಾವಲು ಕೆಲಸ ಮಾಡುತ್ತಿರುವಾಗ ಒಂದು ಜೀಪಿನಲ್ಲಿ ಸುಮಾರು 6-7 ಜನರು ಬಂದು ವಿನಾ ಕಾರಣ ಓಂನಾಥ್‌ ಶರ್ಮಾರವರ ಮೇಲೆ ಹಲ್ಲೆ ಮಾಡಿದ್ದು ತಡೆಯಲು ಬಂದ ತೀರ್ಥಕುಮಾರ್ ಎಂಬವರಿಗೂ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬಸ್‌ ಡಿಕ್ಕಿ; ಸಾಕಾನೆ ಸಾವು
ದಿನಾಂಕ 08/10/2018ರಂದು ಬೆಳಗಿನ ಜಾವ ಪೊನ್ನಂಪೇಟೆ ಬಳಿಯ ತಿತಿಮತಿಯಿಂದ ಹುಣಸೂರಿಗೆ ಹೋಗುತ್ತಿದ್ದ ಕೆಎ-01-ಎಇ-7573ರ ಖಾಸಗಿ ಬಸ್ಸನ್ನು ಅದರ ಚಾಲಕ ಕೇರಳದ ನಿವಾಸಿ ಇಸ್ಮಾಯಿಲ್ ನಲಕಾತ್ ಎಂಬವರು ಮತ್ತಿಗೋಡು ಆನೆ ಶಿಬಿರದ ಬಳಿ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಹೋಗಿ ರಸ್ತೆಯ ಬಳಿ ಮೇಯುತ್ತಿದ್ದ ರಂಗ ಎಂಬ ಸಾಕಾನೆಗೆ ಡಿಕ್ಕಿಪಡಿಸಿದ ಪರಿಣಾಮ ಸಾಕಾನೆಯು ಸ್ಥಳದಲ್ಲೇ ಸಾವಿಗೀಡಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, October 7, 2018

ಕಳವು ಪ್ರಕರಣ
ಮಡಿಕೇರಿಯ ಕೊಡಗು ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ಬೋಧಕ ಆಸ್ಪತ್ರೆಯ ಮಹಿಳಾ ಮತ್ತು ಮಕ್ಕಳ ವಿಭಾಗದ ಕೊಠಡಿಗಳಲ್ಲಿ ಸಂಗ್ರಹಿಸಿಡಲಾಗಿದ್ದ ಸುಮಾರು ರೂ. 15,000/- ಬೆಲೆ ಬಾಳುವ ಕ್ಷ-ಕಿರಣ ಯಂತ್ರದ ಬಿಡಿಭಾಗಗಳನ್ನು ಮತ್ತು ಇತರೆ ಪರಿಕರಗಳನ್ನು ಸುಮಾರು 25 ದಿನಗಳ ಹಿಂದೆ ಯಾರೋ ಕಳವು ಮಾಡಿದ್ದು ಆಸ್ಪತ್ರೆಯ ನೌಕರ ಹರೀಶ್ ಎಂಬಾತನು ಇತರರೊಂದಿಗೆ ಸೇರಿಕೊಂಡು ಈ ಸಾಮಗ್ರಿಗಳನ್ನು ಕಳವು ಮಾಡಿರುವ ಸಂಶಯವಿರುವುದಾಗಿ ಆಸ್ಪತ್ರೆಯ ನಿರ್ದೇಶಕರಾದ ಕಾರ್ಯಪ್ಪ ಎಂಬವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
ದಿನಾಂಕ 06/10/2018ರಂದು ನಾಪೋಕ್ಲು ಬಳಿಯ ಬಾವಲಿ ಗ್ರಾಮದ ನಿವಾಸಿ ಪಿ.ಪಿ.ಸೋಮಯ್ಯ ಎಂಬ ವ್ಯಕ್ತಿಯು ಗುಂಡು ಹೊಡೆದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಮೃತ ಸೋಮಯ್ಯನವರ ಪತ್ನಿ ರುಕ್ಮಿಣಿ ಹಾಗೂ ಮಗ ತೀರ್ಥ ಪ್ರಸಾದ್‌ ಮೃತರಾಗಿದ್ದು ಇದರಿಂದ ಜುಗುಪ್ಸೆಗೊಂಡ ಸೋಮಯ್ಯನವರು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Friday, October 5, 2018

ಬೈಕಿಗೆ ಕಾರು ಡಿಕ್ಕಿ
ದಿನಾಂಕ 04/10/2018ರಂದು ಸಿದ್ದಾಪುರ ಬಳಿಯ ನೆಲ್ಲಿಹುದಿಕೇರಿ ನಿವಾಸಿ ಥಾಮಸ್ ಡಿಸೋಜಾ ಎಂಬವರು ಅವರ ಬೈಕಿನಲ್ಲಿ ನೆಲ್ಲಿಹುದಿಕೇರಿಯಿಂದ ಮಾಲ್ದಾರೆಗೆ ಹೋಗುತ್ತಿರುವಾಗ ಸಿದ್ದಾಪುರ ನಗರದ ಮಧುರ ಬಟ್ಟೆ ಅಂಗಡಿಯ ಬಳಿ ಎದುರಿನಿಂದ ಒಂದು ಕಾರನ್ನು ಅದರ ಚಾಲಕ ರಾಜ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಥಾಮಸ್ ಡಿಸೋಜಾರವರ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಥಾಮಸ್ ಡಿಸೋಜಾರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಣ ವಂಚನೆ 
ದಿನಾಂಕ 21/09/2018ರಂದು ಸುಂಟಿಕೊಪ್ಪದ ಗುಡ್ಡಪ್ಪ ರೈ ಬಡಾವಣೆ ನಿವಾಸಿ ಸುನಿಲ್ ಎಂಬವರಿಗೆ ಓರ್ವ ಅಪರಿಚಿತ ವ್ಯಕ್ತಿ ಕರೆ ಮಾಡಿ ಅವರ ಎಟಿಎಂ ಕಾರ್ಡ್‌ ಬ್ಲಾಕ್‌ ಆಗಿದ್ದು ಸರಿಪಡಿಸಿಕೊಡವುದಾಗಿ ಹೇಳಿ ಎಟಿಎಂ ನ ಮಾಹಿತಿ ಪಡೆದುಕೊಂಡು ಸುನಿಲ್‌ರವರ ಬ್ಯಾಂಕ್ ಖಾತೆಯಿಂದ ರೂ.20,000/- ಹಣವನ್ನು ಪಡೆದುಕೊಂಡು ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಕಾಣೆ ಪ್ರಕರಣ
ವಿರಾಜಪೇಟೆ ಪಟ್ಟಣದ ನೆಹರುನಗರ ನಿವಾಸಿ ಟಿ.ಎಸ್.ಶಿವ ಎಂಬವರ ಮಗ ಶಶಿ ಎಂಬಾತನು ದಿನಾಂಕ 25/09/2018ರಂದು ಆತನ ಅಣ್ಣನ ಪತ್ನಿ ಆಶಾರವರ ಮನಯಿಂದ ಹೊರಗೆ ಹೋಗಿ ಬರುತ್ತೇನೆಂದು ಹೇಳಿ ಹೋಗಿದ್ದು ಇದುವರೆಗೂ ಮರಳಿ ಬಂದಿರುವುದಿಲ್ಲ ಎಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣದ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಚಿನ್ನಾಭರಣ ಕಳವು ಪ್ರಕರಣ
ದಿನಾಂಕ 04/10/2018ರಂದು ವಿರಾಜಪೇಟೆ ನಗರದ ಗಣಪತಿ ದೇವಸ್ಥಾನ ಬಳಿಯ ನಿವಾಸಿ ಎ.ಆರ್.ಕುಸುಮಾ ಎಂಬ ಮಹಿಳೆಯು ಮನೆಯಲ್ಲಿರುವಾಗ ಮೂರು ಜನ ಅಪರಿಚಿತ ಹೆಂಗಸರು ಒಂದು ಮಗುವಿನೊಂದಿಗೆ ಮನೆಗೆ ಬಂದು ಅವರಿಗೆ ತಿನ್ನಲು ಏನಾದರೂ ಕೊಡುವಂತೆ ಬೇಡಿದ್ದು ಕುಸುಮಾರವರು ನಿರಾಕರಿಸಿದಾಗ ಕುಡಿಯಲು ನೀರು ಕೊಡುವಂತೆ ಬೇಡಿದ್ದಾರೆ. ಕುಸುಮಾರವರು ನೀರು ತಂದು ಕೊಡುವಾಗ ನೆಲದ ಮೇಲೆ ಮುಳ್ಳಿನ ನೆಪವೊಡ್ಡಿ ಕುಸುಮಾರವರನ್ನು ಸ್ವಲ್ಪ ಮುಂದಕ್ಕೆ ಕರೆದಿದ್ದು ಕುಸುಮಾರವರು ಇದ್ದಲ್ಲಿಂದ ಮುಂದೆ ಹೋಗಿ ನೀರು ನೀಡಿದ್ದು ಮಹಿಳೆಯರು ನಿಧಾನವಾಗಿ ನೀರು ಕುಡಿದು ಹೋದ ನಂತರ ಕುಸುಮಾರವರು ಮನೆಯೊಳಗೆ ಹೋಗಿ ನೋಡಿದಾಗ ಅವರು ಆಭರಣಗಳನ್ನು ಇಟ್ಟಿದ್ದ ಚೀಲದ ಖಾಲಿ ವ್ಯಾಗ್ ಮೇಜಿನ ಮೇಲಿದ್ದು ಗಾಬರಿಯಿಂದ ಬೀರುವನ್ನು ತೆರೆದು ನೋಡಿದಾಗ ಅದರೊಳಗಿಟ್ಟಿದ್ದ ಸುಮಾರು 2,00,000/- ಮೌಲ್ಯದ 92 ಗ್ರಾಂ ಚಿನ್ನಾಭರಣಗಳು ಕಳವಾಗಿರುವುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, October 3, 2018

ವ್ಯಕ್ತಿ ಆತ್ಮಹತ್ಯೆ
ದಿನಾಂಕ 01/10/2018ರಂದು ಸಿದ್ದಾಪುರ ಬಳಿಯ ಮೂಲೆತೋಡು ನಿವಾಸಿ ಸಿ.ಎನ್.ಚಂದ್ರ ಎಂಬವರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ವರದಿಯಾಗಿದೆ. ಮೃತ ಚಂದ್ರರವರು ಹಲವಾರು ವರ್ಷದಿಂದ ಎದೆನೋವಿನಿಂದ ಬಳಲುತ್ತಿದ್ದರೆಂದು ದೂರು ನೀಡಲಾಗಿದೆ. ಘಟನೆ ಸಂಬಂಧ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಪಘಾತ
ದಿನಾಂಕ 01/10/2018ರಂದು ಕೊಟ್ಟಮುಡಿ ನಿವಾಸಿ ಕೆ.ಎ.ಖಾಸ್ಮಿ ಅಹಮದ್ ಎಂಬವರು ನಾಪೋಕ್ಲು ಸಮೀಪದ ಚೋನಕೆರೆ ಬಳಿ ನಡೆದುಕೊಂಡು ಹೋಗುತ್ತಿರುವಾಗ ಹಿಂದಿನಿಂದ ಬಲ್ಲಮಾವಟಿ ನಿವಾಸಿ ಮಂಜು ಎಂಬಾತನು ಆತನ ಮೋಟಾರು ಬೈಕನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಕೆ.ಎ.ಖಾಸ್ಮಿ ಅಹಮದ್‌ರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾಸ್ಮಿ ಅಹಮದ್‌‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಮದ್ಯ ಮಾರಾಟ ಪತ್ತೆ
ದಿನಾಂಕ 02/10/2018ರಂದು ಪೊನ್ನಂಪೇಟೆ ಬಳಿಯ ಶಿವಶಕ್ತಿ ಲಾಡ್ಜ್ ಬಳಿ ಅಕ್ರಮ ಮದ್ಯ ಮಾರಾಟ ಮಾಡುತ್ತಿರುವಾಗಿ ದೊರೆತ ಸುಳೀವಿನ ಮೇರೆಗೆ ಪೊನ್ನಂಪೇಟೆ ಪಿಎಸ್‌ಐ ಬಿ.ಜಿ.ಕುಮಾರ್‌ರವರು ಸಿಬ್ಬಂದಿಗಳೊಂದಿಗೆ ಧಾಳಿ ನಡೆಸಿ ಹೆಚ್‌.ಎಸ್.ಅಣ್ಣಪ್ಪ ಎಂಬವರು ಸರ್ಕಾರದ ಪರವಾನಗಿ ಇಲ್ಲದೆ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿ ಸುಮಾರು ರೂ.1,152/- ಬೆಲೆಯ ಮದ್ಯವನ್ನು ವಶಪಡಿಸಿಕೊಂಡು ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.